+855 23 43 00 63

8

Sep, 2017

លទ្ធផលនៃការដាក់ដេញថ្លៃឧបករណ៍ផ្គត់ផ្គង់ប្រព័ន្ធ FMIS

ដោយ៖: | Tags: | មតិយោបល់: 0

នាព្រឹកថ្ងៃទី ០៨ ខែ កញ្ញា ឆ្នាំ ២០១៧ នៅទីស្តីការក្រសួងសេដ្ឋកិច្ច និងហិរញ្ញវត្ថុ លេខាធិការដ្ឋានក្រុមការងារគ្រប់គ្រងគម្រោងប្រព័ន្ធព័ត៌មានវិទ្យាគ្រប់គ្រងហិរញ្ញវត្ថុសាធារណៈ បានចូលរូមក្នុងកិច្ចប្រជុំមួយ ដើម្បីពិនិត្យលើលទ្ធផលដំបូងនៃការវាយតម្លៃឯកសារដេញថ្លៃទាំង ២ កញ្ចប់រួមគ្នា ក្រោមអធិបតីភាព ឯកឧត្តមបណ្ឌិត ហ៊ាន សាហ៊ីប រដ្ឋលេខាធិការ នៃក្រសួងសេដ្ឋកិច្ច និង ហិរញ្ញវត្ថុ និងជាប្រធានក្រុមការងារគ្រប់គ្រងគម្រោង FMIS  ព្រមទាំង មានការចូលរួមពីសមាជិកគណៈកម្មការត្រួតពិនិត្យ និង គណៈកម្មការវាយតម្លៃ (រួមមានតំណាងមកពី អគ្គនាយកដ្ឋានរតនាគារជាតិ អគ្គនាយកដ្ឋានថវិកា អគ្គនាយកដ្ឋានលទ្ធកម្មសាធារណៈ និងអគ្គនាយកដ្ឋានសហប្រតិបត្តិការអន្តរជាតិ និងគ្រប់គ្រងបំណុល) ក្នុងការវាយតម្លៃឯកសារដេញថ្លៃផ្គត់ផ្គង់សម្ភារ និង សេវាបច្ចេកវិទ្យាព័ត៌មានសម្រាប់ការអនុវត្តគម្រោង FMIS ជំហានទី២។ ក្រុមការងារគ្រប់គ្រងគម្រោង FMIS បានធ្វើបទបង្ហាញពាក់ព័ន្ធទៅនឹងលក្ខខណ្ឌនៃឯកសារដេញថ្លៃ ដែលនៅក្នុងនោះជាលទ្ធផល រួមមាន ក្រុមហ៊ុនចំនួន ៣   ចូលរួមដេញថ្លៃសម្រាប់កញ្ចប់ឧបករណ៍ End User និងក្រុមហ៊ុនចំនួន ៤ ចូលរួមដេញថ្លៃ សម្រាប់កញ្ចប់ WAN/LAN ដែលការដាក់ដេញថ្លៃនេះ ប្រើប្រាស់រយៈពេល ២សប្តាហ៍ស្របតាមនីតិវិធីលទ្ធកម្ម។ ជាលទ្ធផលនៃអង្គប្រជុំំ គណៈកម្មការបានសម្រចជ្រើសរើសក្រុមហ៊ុនមួយក្នុងចំណោមក្រុមហ៊ុនទាំងអស់ដែលបានចូលរួម   ដោយឡែកការសម្រេចនេះមិនទាន់ជាផ្លូវការ១០០% ឡើយ ដោយហេតុក្រុមការងារនឹងធ្វើការពិភាក្សា ចរចារបន្ថែមទៅលើតម្លៃផ្គត់ផ្គង់ មិនឲ្យលើសពីថវិកាដែលបានគ្រោងទុក។ បន្ថែមពីលើនេះ ឯកឧត្តមរដ្ឋលេខាធិការក៏បានបន្ថែមថា ក្រុមការងារត្រូវផ្តល់ជាដំណឹងចំពោះក្រុមហ៊ុនដែលមិនត្រូវបានជ្រើសរើសជាអ្នកផ្គត់ផ្គង់ ដើម្បីជាតម្លាភាពដល់ភាគីពាក់ព័ន្ធទាំងអស់។

ព័ត៌មានលម្អិត

30

Aug, 2017

គណៈប្រតិភូឡាវសរសើរពីការផ្លាស់ប្តូរដ៏រហ័សនៃការកែទម្រង់ការគ្រប់គ្រងហិរញ្ញវត្ថុសាធារណៈរបស់កម្ពុជា

ដោយ៖: | Tags: | មតិយោបល់: 0

ឯកឧត្តមបណ្ឌិត Atsphangthong SIPHANDONE អនុរដ្ឋមន្រ្តីនៃក្រសួងហិរញ្ញវត្ថុប្រជាធិបតេយ្យប្រជាមានិតឡាវ បានកោតសរសើរដល់ការកែទម្រង់ការគ្រប់គ្រងហិរញ្ញវត្ថុសាធារណៈរបស់កម្ពុជា ជាពិសេសមានប្រព័ន្ធព័ត៌មានវិទ្យាគ្រប់គ្រងហិរញ្ញវត្ថុសាធារណៈ (FMIS ) ដែលជួយជំរុញឱ្យការកែទម្រង់មានភាពរីកចំរើន និងមានសមិទ្ធផលគួរឱ្យកត់សម្គាល់។ ឯកឧត្តមបណ្ឌិត  Atsphangthong SIPHANDONE បានសំដែងការកោតសរសើរនេះ ក្នុងអំឡុងពេលដែលឯកឧត្តមបានដឹកនាំគណៈប្រតិភូក្រសួងហិរញ្ញវត្ថុឡាវ ចំនួន២២រូប មកធ្វើទស្សនកិច្ចសិក្សានៅក្រសួងសេដ្ឋកិច្ច និងហិរញ្ញវត្ថុ ដើម្បីសិក្សាស្វែងយល់ពីការអនុវត្តការកែទម្រង់ការគ្រប់គ្រងហិរញ្ញវត្ថុសាធារណៈរបស់កម្ពុជា ពិសេសផ្តោតសំខាន់លើប្រព័ន្ធ FMIS កាលពីថ្ងៃទី២៣ ដល់ថ្ងៃទី២៥ ខែសីហា ឆ្នាំ២០១៧។ ឯកឧត្តមបណ្ឌិត  Atsphangthong SIPHANDONE បានមានប្រសាសន៍ថា ក្រុមគណៈប្រតិភូឡាវ ពិតជាបានទទួលនូវចំណេះដឹង និង បទពិសោធន៍ល្អៗជាច្រើនតាមការរំពឹងទុកពីកម្ពុជា បើទោះជាដំណើរទស្សនកិច្ចសិក្សានេះមានរយៈពេលខ្លីក៏ដោយ ។ ទន្ទឹមនឹងនេះ ឯកឧត្តម ក៏បានកោតសរសើរ និងថ្លែងអំណរគុណយ៉ាងខ្លាំងចំពោះលេខាធិការដ្ឋាន FMWG ដែលបានចែករំលែកនូវបទពិសោធន៍យ៉ាងលម្អិតជុំវិញការអនុវត្តគម្រោង FMIS និងគ្រោងអញ្ជើញលេខាធិការដ្ឋាន FMWG ធ្វើទស្សនកិច្ច និង ផ្តល់ប្រឹក្សានៅប្រទេសឡាវ ដើម្បីផ្តល់ជាធាតុចូលបន្ថែម លើការរៀបចំកសាងប្រព័ន្ធ FMIS របស់ក្រសួងហិរញ្ញវត្ថុឡាវ ។ ស្របពេលជាមួយគ្នានេះដែរ ឯកឧត្តមបណ្ឌិត ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ច និង ហិរញ្ញវត្ថុ និង ជាប្រធានក្រុមការងារគ្រប់គ្រងគម្រោង FMIS តំណាងដ៏ខ្ពង់ខ្ពស់របស់ឯកឧត្តមបណ្ឌិតសភាចារ្យទេសរដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និង ហិរញ្ញវត្ថុ បានសម្តែងការទទួលស្វាគមន៍យ៉ាងកក់ក្តៅដល់គណៈប្រតិភូប្រជាធិបតេយ្យប្រជាមានិតឡាវ និងបានបញ្ជាក់ឱ្យដឹងថា ប្រព័ន្ធ FMIS ត្រូវបានចាត់ទុកថាជាឆ្អឹងខ្នង និង ជាឧបរណ៍ពុំអាចខ្វះបានក្នុងការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈគ្រប់ដំណាក់កាលនៅកម្ពុជា។ ជារួមប្រព័ន្ធ FMIS នេះបានបង្ហាញឱ្យឃើញកាន់តែច្បាស់ពីប្រសិទ្ធភាព និង ស័ក្តិសិទ្ធភាពនៃការអនុវត្តថវិការបស់កម្ពុជា។ ឯកឧត្តមបណ្ឌិត ហ៊ាន សាហ៊ីប បានបញ្ជាក់បន្ថែមថា ភាពជោគជ័យនៃការអនុវត្តគម្រោង FMIS នេះ ដោយសារតែមានការចូលរួមពីដៃគូអភិវឌ្ឍន៍ទាំងអស់ដែលធ្លាប់បានជួយជ្រោមជ្រែងគាំទ្រដល់ការអនុវត្តគម្រោង FMIS នៅកម្ពុជា ជាពិសេសសហគមន៍អឺរ៉ុប និង […]

ព័ត៌មានលម្អិត

29

Aug, 2017

ការសិក្សាស្វែងយល់ពីមុខងារបន្ថែមសម្រាប់អនុវត្តគម្រោង FMIS ជំហានទី២ នៅសហរដ្ឋអាមេរិក

ដោយ៖: | Tags: | មតិយោបល់: 0

ឯកឧត្តមបណ្ឌិតសភាចារ្យ អូន ព័ន្ធមុនីរ័ត្ន ទេសរដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និង ហិរញ្ញវត្ថុ បានចាត់បញ្ចូនមន្រ្តីនៃលេខាធិការដ្ឋានក្រុមការងារគ្រប់គ្រងគម្រោង FMIS ចូលរួមកម្មវិធី “ Thought Leadership Workshop” នៅទីក្រុង San Francisco, រដ្ឋ California សហរដ្ខអាមរិក ចាប់ពីថ្ងៃទី ២៨ ដល់ថ្ងៃទី ៣១ ខែ សីហា ឆ្នាំ ២០១៧។ ដំណើរទៅកាន់ទឹកដីសហរដ្ឋអាមរិក រយៈពេល ៤ថ្ងៃនេះ គឺដើម្បីសិក្សា និង ស្វែងយល់ឱ្យកាន់តែច្បាស់អំពី ផលិតផលថ្មីៗរបស់ក្រុមហ៊ុន Oracle ដែលជាក្រុមហ៊ុនត្រូវបានក្រសួងសេដ្ឋកិច្ច និងហិរញ្ញវត្ថុ របស់កម្ពុជា បានជ្រើសរើសសម្រាប់អនុវត្តប្រព័ន្ធព័ត៍មានវិទ្យាគ្រប់គ្រងហិរញ្ញវត្ថុសាធារណៈ (FMIS)នៅកម្ពុជា។ ចំនុចពិសេសក្នុងការសិក្សាស្វែងយល់នេះ គឺផ្តោតទៅលើមុខងារបន្ថែមថ្មីរបស់ ប្រព័ន្ធ FMIS ដែលរួមមាន មុខងារគ្រប់គ្រងថវិកា, មុខងារលទ្ធកម្មសាធារណៈ, មុខងារគ្រប់គ្រងទ្រព្យសម្បត្តិរដ្ឋ, និង មុខងារគ្រប់គ្រងសន្និធិ ដែលជាមុខងារត្រូវអនុវត្តក្នុងគម្រោង FMIS ជំហានទី២ បន្ថែមលើមុខងារចំនួន៦ ដែលមានស្រាប់។ គួរបញ្ជាក់ផងដែរថា លេខាធិកាដ្ឋានក្រុមការងារគ្រប់គ្រងគម្រោង FMIS នឹងដាក់ឱ្យប្រើប្រាស់នូវមុខងារបន្ថែមថ្មីទាំង ៤ ទៅកាន់ក្រសួង-ស្ថាប័ន មន្ទីរសេដ្ឋកិច្ច និងហិរញ្ញវត្ថុរាជធានី-ខេត្ត និងស្ថាប័នពាក់ព័ន្ធផ្សេងទៀតឱ្យប្រើប្រាស់នៅឆ្នាំ២០២០ ខាងមុខ៕

ព័ត៌មានលម្អិត

28

Aug, 2017

ប្រធានធនាគារពិភពលោកប្រចាំនៅកម្ពុជា៖ កម្ពុជាគឺជាទីតាំងដ៏ល្អបំផុតសម្រាប់ឡាវដកស្រង់ពីបទសោធន៍ជោគជ័យនៃការអនុវត្តគម្រោង FMIS

ដោយ៖: | Tags: | មតិយោបល់: 0

លោកស្រី Inguna Dobraja ប្រធានធនាគារពិភពលោកប្រចាំនៅកម្ពុជា បានមានប្រសាសន៍ថា ប្រទេសកម្ពុជាគឺជាទីតាំងដ៏ល្អបំផុតសម្រាប់ប្រទេស ឡាវ មករៀនសូត្រ និង ដកស្រង់ពីបទពិសោធន៍ជោគជ័យនៃការអនុវត្តគម្រោងប្រព័ន្ធព័ត៌មានវិទ្យាគ្រប់គ្រងហិរញ្ញវត្ថុសាធារណៈ (FMIS) ជាពិសេសនោះគឺអំពីសមត្ថភាពនៃការចែករំលែកចំណេះដឹង ដែលជាកត្តាជម្រុញឱ្យការអនុវត្តគម្រោង FMIS របស់ក្រសួងសេដ្ឋកិច្ច និង ហិរញ្ញវត្ថុ នៃប្រទេសកម្ពុជា ទទួលបានផ្លែផ្កាល្អ ។  លោកស្រីមានប្រសាសន៍បែបនេះ ក្នុងកំឡុងពេលដែលលោកស្រីបានចូលរួមនៅក្នុងកិច្ចប្រជុំមួយជាមួយនឹងលោក George Edgar អគ្គរដ្ឋទូតសហភាពអឺរ៉ុបប្រចាំនៅកម្ពុជា និងគណៈប្រតិភូឡាវ ព្រមទាំងក្រុមការងារគ្រប់គ្រងគម្រោង FMIS នៃក្រសួងសេដ្ឋកិច្ច និង ហិរញ្ញវត្ថុ នៃព្រះរាជាណាចក្រកម្ពុជា នៅក្នុងកម្មវីធី ដំណើរទស្សនកិច្ចរបស់គណៈប្រតិភូឡាវ ដើម្បីមកសិក្សា និងដកស្រង់បទពិសោធន៍នៃការអនុវត្តគម្រោង FMIS នៅកម្ពុជា កាលពីថ្ងៃទី២៣ ខែសីហា ឆ្នាំ២០១៧ កន្លងទៅនៅទីស្តីការក្រសួងសេដ្ឋកិច្ច និងហិរញ្ញវត្ថុ ។ លោកស្រី Inguna Dobraja បានបន្ថែមថា បើទោះបីជាការអនុវត្តគម្រោង FMIS នៅកម្ពុជាទទួលបានជោគជ័យយ៉ាងណាក៏ដោយ ប៉ុន្តែទន្ទឹមនឹងនេះវាក៏ត្រូវការពេលវេលាមួយសមស្របផងដែរ។ លោកស្រីថា “ការកសាងប្រព័ន្ធថ្មីមួយ ឬ ការកសាងស្ថាប័នណាមួយគឺប្រើប្រាស់ពេលវេលាយូរ ហើយពិបាកជាងការសាងសង់ផ្លូវ ឬ ស្ពានទៅទៀត។” ស្របពេលជាមួយគ្នានេះដែរ លោកស្រី Inguna Dobraja ក៏បានកោតសរសើរដល់ឯកឧត្តមបណ្តិត ហ៊ាន សាហ៊ីប ដែលជាប្រធានក្រុមការងារគ្រប់គ្រងគម្រោង FMIS អំពីការខិតខំប្រឹងប្រែងរបស់ឯកឧត្តម រួមជាមួយនឹងក្រុមការងាររបស់ឯកឧត្តមផ្ទាល់ ដើម្បីជម្រុញដំណើរការការអនុវត្តគម្រោង FMIS ដើរដោយរលូន ៕

ព័ត៌មានលម្អិត

16

Aug, 2017

ប្រកាសព័ត៌មាន លេខ ៤០ (ខែ កក្កដា ឆ្នាំ ២០១៧)

ដោយ៖: | Tags: | មតិយោបល់: 0

នៅក្នុងខែ កក្កដា កន្លងទៅនេះ ក្រុមការងារគ្រប់គ្រងគម្រោងប្រព័ន្ធព័ត៌មានវិទ្យាគ្រប់គ្រងហិរញ្ញវត្ថុសាធារណៈបានរៀបចំសិក្ខា-សាលាស្តីពី វឌ្ឍនភាពនៃការអនុវត្តប្រព័ន្ធ FMIS នៅតាមរតនាគាររាជធានី-ខេត្ត និងការស្វែងរកធាតុចូលក្នុងការបន្តពង្រីកការអនុវត្តគម្រោង FMIS នៅតាមមន្ទីរសេដ្ឋកិច្ច និងហិរញ្ញវត្ថុរាជធានី-ខេត្ត ដែលនឹងចាប់ផ្តើមប្រើប្រាស់សាកល្បងប្រព័ន្ធ FMIS នៅក្នុងឆ្នាំ ២០១៨ ខាងមុខនេះ។ ក្រៅពីនេះក្រុមការងារក៏បានចូលរួមធ្វើបទបង្ហាញស្តីអំពីប្រព័ន្ធ FMIS នៅក្នុងវគ្គបណ្តុះបណ្តាលស្តីអំពីការកសាងសមត្ថភាពផ្នែកប្រព័ន្ធព័ត៌មានវិទ្យាគ្រប់គ្រងហិរញ្ញវត្ថុសាធារណៈ (FMIS) តាមសំណើសុំរបស់ក្រសួងអភិវឌ្ឍន៍ជនបទ ស្របពេលជាមួយគ្នានេះ ក្រុមការងារក៏បានធ្វើបទបង្ហាញអំពីគម្រោង FMIS ជូនគណៈប្រតិភូជាន់ខ្ពស់នៃ សាធារណរដ្ឋប្រជាធិបតេយ្យប្រជាមានិតឡាវ ដើម្បីចែករំលែកនូវបទពិសោធន៍ក្នុងការគ្រប់គ្រងនិងអនុវត្តគម្រោង FMIS។ នៅក្នុងខែនេះ ក្រុមការងារមុខងារប្រព័ន្ធ FMIS ទទួលបានជោគជ័យក្នុងការសាកល្បងធ្វើសន្ធានកម្មរបាយការណ៍ធនាគាររវាងធនាគារវឌ្ឍនៈជាមួយនឹងប្រព័ន្ធ FMIS ហើយគ្រោងនឹងចាប់ផ្តើមការធ្វើសន្ធានកម្មនេះជាផ្លូវការចាប់ពីថ្ងៃទី ០១ ខែ សីហា ឆ្នាំ ២០១៧ ខាងមុខនេះតទៅ។ ការធ្វើសន្ធានកម្មបន្ទាប់ទៀតនោះគឺ ការធ្វើសន្ធានកម្មរវាងប្រព័ន្ធ FMIS និងប្រព័ន្ធគ្រប់គ្រងការប្រមូលចំណូលពន្ធដារ (TAX SYSTEM) នៃអគ្គនាយកដ្ឋានពន្ធដារ។ ក្រោយពីទទួលបាននូវការអនុម័តលើលំហូរការងារក្នុងប្រព័ន្ធ FMIS (To be business Process) ក៏ដូចជាតារាងឈ្មោះអ្នកប្រើប្រាស់តាមបណ្តាក្រសួង-ស្ថាប័នមួយចំនួនដែលត្រូវប្រើប្រាស់ប្រព័ន្ធសាកល្បងក្នុងឆ្នាំនេះរួចមក ក្រុមការងារកំពុងធ្វើការរៀបចំឯកសារលម្អិតលើមុខងារនីមួយៗ និង បច្ចេកទេសរបស់ប្រព័ន្ធ FMIS ឡើងវិញដើម្បីពង្រឹងសុវត្ថិភាពរបស់ប្រព័ន្ធតាមរយ:ការរៀបចំបែងចែកប្រតិបត្តិការទៅតាមអង្គភាពថវិកាដែលហៅថា ពហុអង្គភាពប្រតិបត្តិ  ( Multi- Business Unit ) ។ ដើម្បីពង្រីកការផ្សព្វផ្សាយពីប្រព័ន្ធ FMIS ឱ្យបានទូលំទូលាយទៅកាន់គ្រប់ភាគីពាក់ព័ន្ធក៏ដូចជាសាធារណៈជន ក្រុមការងារបានបញ្ចប់ការផលិតវីដេអូបង្ហាញអំពីអត្ថន័យរបស់រូបសញ្ញា FMIS (FMIS logo) និង គំនូរជីវចលស្តីអំពីភាពខុសគ្នារបស់មន្ត្រីក្រសួងសេដ្ឋ-កិច្ច និង ហិរញ្ញវត្ថុមុន និង ក្រោយពេលប្រើប្រាស់ប្រព័ន្ធ FMIS ដែលវីដេអូទាំងនេះត្រូវបានបង្ហោះតាមគ្រប់បណ្តាញសង្គម និង គេហទំព័រ របស់ប្រព័ន្ធ FMIS។ ការពង្រឹងសមត្ថភាពមន្រ្តីរាជការផ្នែកព័ត៌មានវិទ្យា គឺជាកត្តាសំខាន់ដើម្បីសម្រួលដល់ការអនុវត្តការងារប្រចាំថ្ងៃ ក៏ដូចជាការត្រៀមខ្លួនក្នុងការប្រើប្រាស់ប្រព័ន្ធនាពេលអនាគត ក្រុមការងារក៏បានរៀបចំវគ្គបណ្តុះបណ្តាលមូលដ្ឋានគ្រឹះផ្នែកព័ត៌មានវិទ្យាដល់មន្ត្រីមកពីអគ្គនាយកដ្ឋានទាំងអស់នៃ កសហវ […]

ព័ត៌មានលម្អិត