+855 23 43 00 63

17

Aug, 2018

រយៈពេលមួយសប្តាហ៍ ក្រុមការងារ FMIS សម្រេចបាន៥ក្រសួង-ស្ថាប័ន នៃការចុះសិក្សាពីកម្រិតនៃការផ្លាស់ប្តូរលើការប្រើប្រាស់ប្រព័ន្ធ FMIS និងប្រមូលធាតុចូលបន្ថែមនៅក្រសួងទាំង១០

ដោយ៖: | Tags: | មតិយោបល់: 0

គិតត្រឹមថ្ងៃទី១៧ ខែសីហា ឆ្នាំ២០១៨ ពោលគឺមានរយៈពេលមួយសប្តាហ៍ ចាប់តាំងពីការបំពេញបេសកកម្មរបស់ខ្លួនក្នុងការចុះសិក្សាពីកម្រិតនៃការផ្លាស់ប្តូរលើការប្រើប្រាស់ប្រព័ន្ធ FMIS និងប្រមូលធាតុចូលបន្ថែមនៅក្រសួង-ស្ថាប័នទាំង១០ ដែលបានប្រើប្រាស់ប្រព័ន្ធ FMIS ជាផ្លូវការចាប់តាំងពីដើមឆ្នាំ២០១៨ កន្លងមក លេខាធិការដ្ឋានក្រុមការងារគ្រប់គ្រងគម្រោង FMIS សម្រេចបានកិច្ចការខាងលើនេះចំនួន៥ក្រសួង-ស្ថាប័នហើយ ។ ក្រសួង-ស្ថាប័នទាំងនោះមាន ក្រសួងបរិស្ថាន (រួមទាំងអាណាប័កផ្ទេរសិទ្ធិ), ក្រសួងប្រៃសនីយ៍និងទូរគមនាគមន៍, ក្រសួងកសិកម្ម រុក្ខាប្រមាញ់ និងនេសាទ, ក្រសួងឧស្សាហកម្ម និងសិប្បកម្ម និង ក្រសួងមុខងារសាធារណៈ ។ ការចុះសិក្សានេះ ក្នុងគោលបំណងដើម្បីវាយតម្លៃកម្រិតនៃការផ្លាស់ប្តូរលើការប្រើប្រាស់ប្រព័ន្ធ FMIS និងប្រមូលធាតុចូលបន្ថែមពីអ្នកប្រើប្រាស់សម្រាប់ជាមូលដ្ឋានក្នុងការកែលម្អដំណើរការ និងការអនុវត្តប្រព័ន្ធ FMIS ឱ្យកាន់តែប្រសើរ ។ ជាការកត់សម្គាល់ ក្រសួងទាំងប្រាំទទួលស្វាគមន៍ក្រុមការងារ FMIS បានយ៉ាងល្អ ជាពិសេសបានជួយសម្រួលឱ្យដំណើរការនៃការសិក្សានេះប្រព្រឹត្តទៅប្រកបដោយរលូន ។ ជាងនេះទៅទៀត មន្ត្រី រូមទាំងថ្នាក់ដឹកនាំ ដែលប្រើប្រាស់ប្រព័ន្ធ FMIS មកពីក្រសួង-ស្ថាប័នទាំងប្រាំ បានលើកឡើងពីបញ្ហាមួយចំនួនដាក់ជូនក្រុមការងារដើម្បីដោះស្រាយ ក្នុងន័យឱ្យការអនុវត្តប្រព័ន្ធ FMIS ដំណើរការទៅប្រកបដោយភាពជោគជ័យ។ ស្របពេលជាមួយគ្នានេះដែរ ក្រុមការងារ FMIS ក៏បានដោះស្រាយរួចរាល់នូវបញ្ហាដែលបានលើកឡើងភ្លាមៗដោយមន្ត្រីប្រើប្រាស់ FMIS ផ្ទាល់តែម្តង។ គួរជម្រាបជូនថា ក្រសួង-ស្ថាប័នទាំង១០ ដែលបានប្រើប្រាស់ប្រព័ន្ធ FMIS ជាផ្លូវការចាប់តាំងពីដើមឆ្នាំ២០១៨កន្លងមករួមមាន៖ ក្រសួងសេដ្ឋកិច្ចនិងហិរញ្ញវត្ថុ (រួមទាំងអាណាប័កផ្ទេរសិទ្ធិ), ក្រសួងបរិស្ថាន (រួមទាំងអាណាប័កផ្ទេរសិទ្ធិ), ក្រសួងប្រៃសនីយ៍និងទូរគមនាគមន៍, ក្រសួងកសិកម្ម រុក្ខាប្រមាញ់ និងនេសាទ, ក្រសួងឧស្សាហកម្ម និងសិប្បកម្ម, ក្រសួងមុខងារសាធារណៈ, ក្រសួងកិច្ចការនារី, ក្រសួងសុខាភិបាល, ក្រសួងការងារ និងបណ្តុះបណ្តាលវិជ្ជាជីវៈ និងក្រសួងអប់រំ យុវជន និងកីឡា ។

ព័ត៌មានលម្អិត

13

Aug, 2018

ក្រុមការងារ FMIS នឹងចុះសិក្សាអំពីកម្រិតនៃការផ្លាស់ប្តូរលើការប្រើប្រាស់ប្រព័ន្ធ FMIS និង ប្រមូលធាតុចូលបន្ថែមពីអ្នកប្រើប្រាស់ប្រព័ន្ធនៅក្រសួង-ស្ថាប័នទាំង១០ដែលប្រើប្រាស់ចាប់តាំងពីដើមឆ្នាំ២០១៨

ដោយ៖: | Tags: | មតិយោបល់: 0

ក្រុមការងារគ្រប់គ្រងគម្រោង FMIS នឹងចុះសិក្សាអំពីកម្រិតនៃការផ្លាស់ប្តូរលើការប្រើប្រាស់ប្រព័ន្ធ FMIS របស់អ្នកប្រើប្រាស់នៅក្រសួង-ស្ថាប័នទាំង១០ ដែលបានប្រើប្រាស់ប្រព័ន្ធចាប់តាំងពីដើមឆ្នាំ ២០១៨ ។  ការចុះសិក្សានេះ ក្នុងគោលបំណងវាយតម្លៃកម្រិតនៃការផ្លាស់ប្តូរលើការប្រើប្រាស់ប្រព័ន្ធ FMIS និងប្រមូលធាតុចូលបន្ថែមពីអ្នកប្រើប្រាស់សម្រាប់ជាមូលដ្ឋានក្នុងការកែលម្អដំណើរការ និងការអនុវត្តប្រព័ន្ធ FMIS ឱ្យកាន់តែប្រសើរ ។ គួរជម្រាបជូនថា ក្នុងក្របខណ្ឌនៃការអនុវត្តផែនការយុទ្ធសាស្ត្រគ្រប់គ្រងការផ្លាស់ប្តូរ នៅដើមឆ្នាំ២០១៨ មុនពេលដាក់ប្រព័ន្ធ FMIS ឱ្យប្រើប្រាស់នៅក្រសួងទាំង១០ ព្រមទាំងអង្គភាពថវិកាដែលជាអាណាប័កផ្ទេរសិទ្ធិ ក្រុមការងារគ្រប់គ្រងគម្រោង FMIS បានចុះសិក្សាម្តងរួចមកហើយអំពីកម្រិតនៃការត្រៀមខ្លួនក្នុងការផ្លាស់ប្តូររបស់អ្នកប្រើប្រាស់មុននឹងឈានទៅប្រើប្រាស់ប្រព័ន្ធ FMIS ដើម្បីជាមូលដ្ឋានគ្រឹះក្នុងការវិភាគ និង រៀបចំដាក់ប្រព័ន្ធ FMIS ឱ្យប្រើប្រាស់ជាផ្លូវការ ។ ស្របតាមផែនការយុទ្ធសាស្ត្រដែលបានដាក់ចេញ ក្រុមការងារនឹងត្រូវបន្តអនុវត្តសកម្មភាពចុះសិក្សាដើម្បីវាយតម្លៃកម្រិតនៃការផ្លាស់ប្តូរលើការប្រើប្រាស់ប្រព័ន្ធជាមួយអ្នកដែលកំពុងប្រើប្រាស់ប្រព័ន្ធ FMIS និងប្រមូលធាតុចូលគន្លឹះៗជាក់ស្តែងបន្ថែម សម្រាប់ជាមូលដ្ឋានក្នុងការវិភាគ និង កែលម្អដំណើរការ និងការអនុវត្តប្រព័ន្ធ FMIS ឱ្យកាន់តែប្រសើរ និងកាន់តែមានប្រសិទ្ធភាព ។ ក្រសួង-ស្ថាប័នទាំង១០ ដែលបានប្រើប្រាស់ប្រព័ន្ធ FMIS ចាប់តាំងពីដើមឆ្នាំ២០១៨ រួមមាន៖ ក្រសួងសេដ្ឋកិច្ចនិងហិរញ្ញវត្ថុ, ក្រសួងបរិស្ថាន (រួមទាំងអាណាប័កផ្ទេរសិទ្ធិ), ក្រសួងប្រៃសនីយ៍និងគមនាគមន៍, ក្រសួងកសិកម្ម រុក្ខាប្រមាញ់ និងនេសាទ, ក្រសួងឧស្សាហកម្ម និងសិប្បកម្ម, ក្រសួងមុខងារសាធារណៈ, ក្រសួងកិច្ចការនារី, ក្រសួងសុខាភិបាល, ក្រសួងការងារ និងបណ្តុះបណ្តាលវិជ្ជាជីវៈ និងក្រសួងអប់រំ យុវជន និងកីឡា ។ តារាងកាលវិភាគនៃការចុះសិក្សាមាននៅទីនេះ៖http://fmis.mef.gov.kh/contents/uploads/2018/08/20180813_7316_Request-CA-FMIS-for-LMs-1.pdf

ព័ត៌មានលម្អិត

9

Aug, 2018

ប្រកាសព័ត៌មាន លេខ ៥២ (ប្រចាំខែ កក្កដា ២០១៨)

ដោយ៖: | Tags: | មតិយោបល់: 0

ឈានចូលមកដល់ខែ កក្កដានេះ លេខាធិការដ្ឋានក្រុមការងារគ្រប់គ្រងគម្រោង FMIS សហការជាមួយក្រុមហ៊ុនផ្គត់ផ្គង់បានធ្វើការដាក់ដំឡើងម៉ាស៊ីនមេនៅមជ្ឈមណ្ឌលទិន្នន័យ និងមជ្ឈមណ្ឌលសង្គ្រោះទិន្នន័យថ្មី ព្រមទាំងបានធ្វើការចែកជូននូវវិញ្ញាបនបត្របញ្ជាក់ការសិក្សាជូនដល់មន្រ្តីដែលបានចូលរួម និងបញ្ចប់វគ្គបណ្តុះបណ្តាលលើមុខវិជ្ជាជំនាញបច្ចេកទេសអ្នកប្រើប្រាស់ប្រព័ន្ធ FMIS។ ការគ្រប់គ្រងហេដ្ឋារចនាសម្ព័ន្ធ ក្នុងនោះដែរ ក្រុមការងារហេដ្ឋារចនាសម្ព័ន្ធ បានធ្វើការរៀបចំ Network Configuration សម្រាប់ដាក់ដំឡើងនៅតាមមន្ទីរសេដ្ឋកិច្ច និងហិរញ្ញវត្ថុរាជធានី-ខេត្តទាំង២៥ រួមជាមួយនឹងការបន្តចុះដំឡើងឧបករណ៍សម្ភារបច្ចេកវិទ្យាព័ត៌មានដែលរួមមាន        ទូម៉ាស៊ីនមេ (Rack), ប្រព័ន្ធបច្ចេកវិទ្យាព័ត៌មាន និងខ្សែបណ្តាញអគ្គីសនី សម្រាប់អ្នកប្រើប្រាស់នៅក្រសួង-ស្ថាប័ន ដែលសម្រេចបានរួមមាន ក្រសួងព័ត៌មាន ក្រសួងទេសចរណ៍ ក្រសួងពាណិជ្ជកម្ម និងក្រសួងអភិវឌ្ឍន៏ជនបទ និងបន្តដល់ក្រសួងផ្សេងៗទៀត។ ការគ្រប់គ្រងមុខងារប្រព័ន្ធ ស្របគ្នានេះដែរក្រុមការងារមុខងារប្រព័ន្ធបានបញ្ចប់ការថតវីដេអូពីរបៀបកត់ត្រាប្រតិបត្តិការថ្មីៗក្នុងប្រព័ន្ធ ដើម្បីជាជំនួយស្មារតីបន្ថែមដល់អ្នកប្រើប្រាស់ប្រព័ន្ធ FMIS ឱ្យកាន់តែមានភាពងាយស្រួលយល់។ ក្រុមការងារក៏បានបញ្ចប់អភិវឌ្ឍន៍របាយការណ៍ពាក់ព័ន្ធនឹងច្បាប់ហិរញ្ញវត្ថុចលនាឥណទានដោយស្ថាពរ និងបន្តធ្វើតេស្តសាកល្បងលើរបាយការណ៍ដទៃទៀត។ ក្រុមការងារក៏កំពុងពិនិត្យ កែសម្រួលនីតិវិធីអនុវត្តបច្ចុប្បន្នរបស់មន្ទីរសេដ្ឋកិច្ចនិងហិរញ្ញវត្ថុ ព្រមទាំងបានធ្វើការបិទបញ្ជីហិរញ្ញវត្ថុឆ្នាំ២០១៦ ដោយជោគជ័យផងដែរ។ ការគ្រប់គ្រងការផ្លាស់ប្តូរ សម្រាប់ការទំនាក់ទំនងផ្សព្វផ្សាយរបស់ក្រុមការងារគ្រប់គ្រងការផ្លាស់ប្តូរបានធ្វើការបញ្ចប់ការចែកជូនព្រឹត្តិបត្រព័ត៌មានជូនភាគីពាក់ព័ន្ធនៃគ្រប់ក្រសួង-ស្ថាប័នដែលកំពុងប្រើប្រាស់ប្រព័ន្ធ FMIS រួមជាមួយក្រសួង-ស្ថាប័នដែលត្រៀមដាក់ឱ្យប្រើប្រាស់ប្រព័ន្ធ FMIS ព្រមទាំងគ្រប់ថ្នាក់ដឹកនាំនៃក្រសួងសេដ្ឋកិច្ច និងហិរញ្ញវត្ថុតាមរយៈការផ្សព្វផ្សាយជូនដោយផ្ទាល់ និងតាមរយៈសារអេឡិចត្រូនិចផងដែរ។ បន្ថែមពីនេះក្រុមការងារបានបន្តការជួយសម្របសម្រួល និងទំនាក់ទំនងទៅកាន់ក្រសួង-ស្ថាប័នក្នុងការចុះតភ្ជាប់បណ្តាញសម្រាប់ប្រព័ន្ធ FMIS ក៏ដូចជាការជម្រាបជូនដំណឹងជាមុនទៅកាន់ភាគីពាក់ព័ន្ធទាំងអស់អំពីបច្ចុប្បន្នភាពរបស់គម្រោង FMIS និង សិក្សាពីកម្រិតនៃការផ្លាស់ប្តូររបស់អ្នកពាក់ព័ន្ធទាំងអស់។ ការងារបន្ត លេខាធិការដ្ឋានក្រុមការងារគ្រប់គ្រងគម្រោង FMIS នឹង ផ្តល់ជូនវគ្គបណ្តុះបណ្តាលទៅកាន់ថ្នាក់ដឹកនាំ និងអ្នកប្រើប្រាស់ប្រព័ន្ធ FMIS ទាំង១០ថ្មី ក្រសួង-ស្ថាប័ន និង ២៥មន្ទីរសេដ្ឋកិច្ចនិងហិរញ្ញវត្ថុ រាជធានី-ខេត្ត។ ដូចនេះសូមថ្នាក់ដឹកនាំ ក៏ដូចជាមន្ត្រី ដែលជាអ្នកប្រើប្រាស់ប្រព័ន្ធ FMIS  ទាំងអស់ត្រៀមសហការ និង ចូលរួមក្នុងវគ្គបណ្តុះបណ្តាលនាពេលឆាប់ៗនេះ។ ទាួយកឯកសារជា PDF ៖ http://fmis.mef.gov.kh/contents/uploads/2018/08/Draft-Bulletin-52-2edited-6.pdf

ព័ត៌មានលម្អិត

6

Aug, 2018

ការចុះដំឡើងឧបករណ៍សម្ភារបច្ចេកវិទ្យាព័ត៌មាននៅក្រសួងរៀបចំដែនដី នគររូបនីយកម្ម និងសំណង់

ដោយ៖: | Tags: | មតិយោបល់: 0

នៅថ្ងៃទី០៦ ខែសីហា ឆ្នាំ២០១៨ នេះ លេខាធិការដ្ឋានក្រុមការងារគ្រប់គ្រងគម្រោង FMIS បានបន្តបេសកកម្មរបស់ខ្លួនក្នុងការចុះដំឡើងឧបករណ៍ទូរេក បណ្តាញតភ្ជាប់ និង បណ្តាញចរន្តអគ្គិសនី ពីទីតាំងជាក់ស្តែងរបស់ថ្នាក់ដឹកនាំ និងមន្ត្រីដែលត្រូវប្រើប្រាស់ប្រព័ន្ធ FMIS មកឧបករណ៍បែងចែកបណ្តាញ និងឧបករណ៍គ្រប់គ្រងសុវត្ថិភាពរបស់ប្រព័ន្ធ នៅក្រសួងរៀបចំដែនដី នគររូបនីយកម្ម និងសំណង់ ។ ជាការកត់សម្គាល់ ដំណើរការនៃការចុះដំឡើងឧបករណ៍សម្ភារបច្ចេកវិទ្យាព័ត៌មាននេះ ប្រព្រឹត្តទៅដោយរលូន ដោយក្នុងនោះក្រុមការងារ FMIS ទទួលបានការស្វាគមន៍ និងកិច្ចសហការបានយ៉ាងល្អពីមន្ត្រីនៃក្រសួងរៀបចំដែនដី នគររូបនីយកម្ម និងសំណង់ ។ យ៉ាងណាក៏ដោយ តាមរយៈការចុះដំឡើងឧបករណ៍សម្ភារបច្ចេកវិទ្យាព័ត៌មានសម្រាប់ប្រព័ន្ធ FMIS ការរំខាននានាក្នុងរយៈពេលមួយដ៏ខ្លីដល់ថ្នាក់ដឹកនាំ ក៏ដូចជាមន្ត្រី ដែលកំពុងបំពេញការងារបស់ខ្លួន នឹងកើតមានឡើង អាស្រ័យហេតុនេះ លេខាធិការដ្ឋានក្រុមការងារគ្រប់គ្រងគម្រោង FMIS សូមជម្រាបជូនដំណឹងដល់ក្រសួង-ស្ថាប័នផ្សេងទៀតឱ្យបានជ្រាបជាព័ត៌មានថា ដើម្បីឱ្យដំណើរការនៃការងារខាងលើប្រកបដោយរលូន ក្រុមការងារសូមការយោគយល់ចំពោះសំឡេងរំខាននានាក្នុងកំឡុងពេលនៃការបំពេញការងារនេះ ហើយក្រុមការងារនឹងធ្វើការជូនដំណឹងជាមុនពីការចុះដំឡើងឧបករណ៍សម្ភារបច្ចេកវិទ្យាព័ត៌មាន ដល់ក្រសួងស្ថាប័ន-ផ្សេងទៀត ។ គួរជម្រាបជូនថា ក្រសួង-ស្ថាប័នទាំង១០ ដែលត្រូវអនុវត្តប្រព័ន្ធ FMIS ជាផ្លូវការនៅដើមឆ្នាំ ២០១៩នេះ រួមមាន៖ ក្រសួងរៀបចំដែនដី នគរូបនីយកម្ម និងសំណង់, ក្រសួងសាធារណៈការ និងដឹកជញ្ជូន, ក្រសួងការបរទេស និងសហប្រតិបត្តិការអន្តរជាតិ, ក្រសួងពាណិជ្ជកម្ម, ក្រសួងព័ត៌មាន, ក្រសួងអភិវឌ្ឍន៍ជនបទ, រដ្ឋលេខាធិការដ្ឋានអាកាសចរស៊ីវិល, ក្រសួងធនធានទឹក និងឧតុនិយម, ក្រសួងសង្គមកិច្ច អតីតយុទ្ធជន និងយុវនីតិសម្បទា និងក្រសួងទេសចរណ៍ រួមទាំងមន្ទីរសេដ្ឋកិច្ច និងហិរញ្ញវត្ថុរាជធានី-ខេត្តទាំង២៥ លើមុខងារស្នូលចំនួន៤ គឺមុខងារវិភាជន៍ថវិកា មុខងារការទិញ មុខងារគណនីត្រូវសង និងមុខងារគណនីត្រូវទារ ។

ព័ត៌មានលម្អិត

13

Jul, 2018

លេខាធិការដ្ឋានក្រុមការងារគ្រប់គ្រងគម្រោង FMIS និងតំណាងក្រុមហ៊ុន​ Oracle និង ក្រុមហ៊ុន First Cambodia ពិភាក្សាពីការវិវឌ្ឍនៃការពង្រីកមជ្ឈមណ្ឌលទិន្នន័យរបស់ប្រព័ន្ធ FMIS

ដោយ៖: | Tags: | មតិយោបល់: 0

(ភ្នំពេញ)៖ នៅព្រឹកថ្ងៃទី១៣ ខែកក្កដា ឆ្នាំ២០១៨ នៅទីស្តីការក្រសួងសេដ្ឋកិច្ច និងហិរញ្ញវត្ថុ លេខាធិការដ្ឋានក្រុមការងារគ្រប់គ្រងគម្រោង FMIS និងតំណាងមកពីក្រុមហ៊ុន Oracle និង ក្រុមហ៊ុន First Cambodia បានប្រជុំពិភាក្សាអំពី ការបន្តចាប់ផ្តើមដំណើរការគម្រោង លើការផ្គត់ផ្គង់ការពង្រីកមជ្ឈមណ្ឌលទិន្នន័យរបស់ប្រព័ន្ធ FMIS សម្រាប់គម្រោង FMIS ជំហានទី២ ។ ការពង្រីកមជ្ឈមណ្ឌលទិន្នន័យសម្រាប់ទ្រទ្រង់ដល់ប្រព័ន្ធបច្ចេកវិទ្យាព័ត៌មាន សម្រាប់ការគ្រប់គ្រងហិរញ្ញវត្ថុសាធារណៈ ដែលហៅកាត់ថា ប្រព័ន្ធអេហ្វ អឹម អាយ អេស (FMIS) ជំហានទី២ នឹងមានសមត្ថភាពទ្រទ្រង់ដល់អ្នកប្រើប្រាស់ចំនួន ៣០០០ នាក់ ហើយមជ្ឍមណ្ឌលទិន្នន័យនេះ នឹងបំពាក់ដោយបច្ចេកវិទ្យាព័ត៌មានទំនើបទាន់សម័យ (State of the Art Technologies) សមស្របតាមស្ដង់ដារមជ្ឈមណ្ឌល ទិន្នន័យ (Compliance to Data Center Standard), កាត់បន្ថយការបំពុលបរិស្ថាន (Go green) និង បំពាក់ទៅដោយឧបករណ៍ការពារសុវត្ថិភាពដ៏រឹងមាំ (Robust security) ដើម្បីទប់ទល់ដល់ការវាយប្រហារជាយថាហេតុណាមួយ ។ គួរជម្រាបជូនថា សម្រាប់ជំហានទី២ នេះ ប្រព័ន្ធ FMIS ត្រូវបានដាក់ឱ្យអនុវត្តជាមួយក្រសួងចំនួន១០ កាលពីដើមឆ្នាំ២០១៨ រួមមាន ក្រសួងសេដ្ឋកិច្ចនិងហិរញ្ញវត្ថុ, ក្រសួងអប់រំ យុវជន និងកីឡា, ក្រសួងសុខាភិបាល, ក្រសួងការងារនិងបណ្តុះបណ្តាលវិជ្ជាជីវៈ, ក្រសួងកសិកម្ម រុក្ខាប្រមាញ់ និងនេសាទ, ក្រសួងឧស្សាហកម្ម និងសិប្បកម្ម, ក្រសួងប្រៃសណីយ៍, ក្រសួងបិរស្ថាន, ក្រសួងកិច្ចការនារី និងក្រសួងមុខងារសាធារណៈ និងកំពុងបន្តអនុវត្តជាមួយក្រសួង១០ ផ្សេងទៀតមានក្រសួងរៀបចំដែនដី នគរូបនីយកម្ម និងសំណង់, ក្រសួងសាធារណៈការ និងដឹកជញ្ជូន, ក្រសួងការបរទេស និងសហប្រតិបត្តិការអន្តរជាតិ, ក្រសួងពាណិជ្ជកម្ម, ក្រសួងព័ត៌មាន, ក្រសួងអភិវឌ្ឍន៍ជនបទ, […]

ព័ត៌មានលម្អិត