+855 23 43 00 63

27

Apr, 2018

ការកំណត់អត្តសញ្ញាណអ្នកប្រើប្រាស់ប្រព័ន្ធរបស់ក្រសួង-ស្ថាប័នទាំង ១០ថ្មី ទទួលបានជោគជ័យ

ដោយ៖: | Tags: | មតិយោបល់: 0

ប្រព័ន្ធ FMIS នឹងត្រូវដាក់ឱ្យប្រើប្រាស់នៅក្រសួង-ស្ថាប័នចំនួន១០ និងមន្ទីរសេដ្ឋកិច្ច និងហិរញ្ញវត្ថុរាជធានី-ខេត្ត បន្ថែមទៀតនៅដើមឆ្នាំ២០១៩ បន្ទាប់ពីក្រសួង-ស្ថាប័នចំនួន១០ ត្រូវបានប្រើប្រាស់ប្រព័ន្ធកាលពីដើមឆ្នាំ២០១៨។ លេខាធិការដ្ឋានក្រុមការងារគ្រប់គ្រងគម្រោង FMIS នៃក្រសួងសេដ្ឋកិច្ច និងហិរញ្ញវត្ថុ បានចុះបេសកកម្មផ្ទាល់ទៅក្រសួង-ស្ថាប័នចំនួន១០ ថ្មី ក្នុងគោលបំណង សិក្សានីតិវិធីអនុវត្តការងារបច្ចុប្បន្ន ដើម្បីឈានដល់ការកំណត់អត្តសញ្ញាណអ្នកប្រើប្រាស់និងរៀបចំនីតិវិធីអនុវត្តការងារក្នុងប្រព័ន្ធ សិក្សាពីទីតាំងអ្នកប្រើប្រាស់ប្រព័ន្ធ និងទីតាំងតំឡើង Rack ព្រមទាំងសិក្សាពីការត្រៀមខ្លួនក្នុងការប្រើប្រាស់ប្រព័ន្ធ និងទទួលយកការផ្លាស់ប្តូរដែលអាចនឹងកើតមានបន្ទាប់ពីប្រើប្រាស់ប្រព័ន្ធ FMIS។ ដំណើរបេសកកម្មរបស់ក្រុមការងារត្រូវបានចាប់ផ្តើមពីថ្ងៃទី២៣ ដល់ថ្ងៃទី ២៧ ខែមេសា ឆ្នាំ២០១៨។ ក្នុងការចុះសិក្សា ថ្នាក់ដឹកនាំ មន្រ្តី និងអ្នកពាក់ព័ន្ធ ក៏ដូចជាក្រុមកាងារអនុវត្តគម្រោង FMIS នៅគ្រប់ក្រសួង-ស្ថាប័ន បានទទួលស្វាគមន៍៍ និងគាំទ្រយ៉ាងកក់ក្តៅនៃការចុះសិក្សាផ្ទាល់នៅក្រសួង-ស្ថាប័ន ដែលនាំឱ្យក្រុមការងារគ្រប់គ្រងគម្រោង FMIS មានលទ្ធភាពទទួលបានព័ត៌មានគ្រប់គ្រាន់។ បន្ទាប់ពីបេសកកម្មត្រូវបានបញ្ចប់ ថ្នាក់ដឹកនាំក៏ដូចជាមន្រ្តីដែលនឹងក្លាយជាអ្នកប្រើប្រាស់ប្រព័ន្ធ FMIS បានទទួលព័ត៌មាន និងយល់កាន់តែច្បាស់ពីការអនុវត្ត និងមុខងារដែលត្រូវអនុវត្តរបស់ប្រព័ន្ធ។ គួរបញ្ជាក់ផងដែរថា ក្រុមការងារគ្រប់គ្រងគម្រោង FMIS នៃក្រសួងសេដ្ឋកិច្ច និងហិរញ្ញវត្ថុ បានដាក់ប្រព័ន្ធ FMIS ឱ្យប្រើប្រាស់កាលពីដើមឆ្នាំ២០១៨ ដល់ក្រសួងចំនួន១០ ដែលរួមមានក្រសួងកសិកម្ម រុក្ខាប្រមាញ់ និងនេសាទ, ក្រសួងសេដ្ឋកិច្ចនិងហិរញ្ញវត្ថុ, ក្រសួងអប់រំ យុវជន និងកីឡា, ក្រសួងសុខាភិបាល, ក្រសួងការងារ និងបណ្តុះបណ្តាលវិជ្ជាជីវៈ, ក្រសួងបរិស្ថាន, ក្រសួងមុខងារសាធារណៈ, ក្រសួងប្រៃសណីយ៍, ក្រសួងកិច្ចការនារី និងក្រសួងឧស្សាហកម្ម ។ ដោយឡែកនៅដើមឆ្នាំ២០១៩ នេះ ប្រព័ន្ធ FMIS ត្រូវបានដាក់ឱ្យប្រើប្រាស់នៅតាមមន្ទីរសេដ្ឋកិច្ច និងហិរញ្ញវត្ថុរាជធានី-ខេត្ត ទាំង២៥ និងក្រសួងចំនួន១០បន្ថែមទៀត រួមមាន ក្រសួងរៀបចំដែនដី នគរូបនីយកម្ម និងសំណង់,ក្រសួងសាធារណៈការ និងដឹកជញ្ជូន, ក្រសួងការបរទេស និងសហប្រតិបត្តិការអន្តរជាតិ, ក្រសួងពាណិជ្ជកម្ម, ក្រសួងព័ត៌មាន, ក្រសួងអភិវឌ្ឍន៍ជនបទ, ក្រសួងធនធានទឹក […]

ព័ត៌មានលម្អិត

21

Apr, 2018

សម្តេចអគ្គមហាសេនាបតីតេជោហ៊ុន សែន៖ ប្រព័ន្ធ FMIS ជាក្របខ័ណ្ឌមួយសម្រាប់រាជរដ្ឋាភិបាលកម្ពុជាពង្រឹងការគ្រប់គ្រងហិរញ្ញវត្ថុឱ្យកាន់តែប្រសើររួមទាំងកាត់បន្ថយចំណាយក្រៅផ្លូវការពាក់ព័ន្ធនឹងប្រតិបត្តិការហិរញ្ញវត្ថុ

ដោយ៖: | Tags: | មតិយោបល់: 0

(ភ្នំពេញ)៖ “ខ្ញុំរពឹងថានៅពេលប្រព័ន្ធបច្ចេកវិទ្យាព័ត៌មានសម្រាប់ការគ្រប់គ្រងហិរញ្ញវត្ថុសាធារណៈ (FMIS) ដំណើរការពេញលេញ នោះការគ្រប់គ្រងចំណាយថវិការដ្ឋនឹងកាន់តែមានប្រសិទ្ធភាព ស័ក្តិសិទ្ធភាព តម្លាភាព និងគណនេយ្យភាពល្អប្រសើរថែមទៀត” នេះជាការលើកឡើងរបស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្រ្តីនៃប្រទេសកម្ពុជា ក្នុងការបើកកិច្ចប្រជុំត្រួតពិនិត្យប្រចាំឆ្នាំ២០១៧ និងការវាយតម្លៃសមិទ្ធផល៥ឆ្នាំ នៃការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដែលបានរៀបចំឡើងកាលពីថ្ងៃទី២០ ខែមេសា ឆ្នាំ២០១៨ នៅសណ្ឋាគារសូហ្វីតែល។ សម្តេចបានបន្តទៀតថា ប្រព័ន្ធ FMIS នឹងជួយផ្តល់ព័ត៌មានយ៉ាងពេញលេញ និងទាន់ពេលវេលាអំពីស្ថានភាពហិរញ្ញវត្ថុសាធារណៈរបស់ជាតិ ដែលជាមូលដ្ឋានដ៏ចាំបាច់សម្រាប់ការវិភាគ និងធ្វើសេចក្តីសម្រេចចិត្តក្នុងការបែងចែក និងប្រើប្រាស់ធនធានហិរញ្ញវត្ថុប្រកបដោយប្រសិទ្ធភាពខ្ពស់បំផុត។ ស្របពេលជាមួយគ្នានេះដែរ តំណាងដៃគូអភិវឌ្ឍន៍ប្រចាំកម្ពុជា ក៏បានបង្ហាញការគាំទ្រយ៉ាងពេញទំហឹង និងកោតសរសើរពីការដាក់ឱ្យអនុវត្តប្រព័ន្ធ FMIS ដល់ក្រសួង-ស្ថាប័ន និងរដ្ឋបាលថ្នាក់ក្រោមជាតិ។ លោក Frank Viault ប្រធានផ្នែកសហប្រតិបត្តិការនៃសហគមន៍អ៊ីរ៉ុបបានបញ្ជាក់បន្ថែមថា ប្រព័ន្ធ FMIS នឹងផ្តល់ជាមូលដ្ឋានសម្រាប់ការធ្វើទំនើបកម្មនៃការគ្រប់គ្រងហិរញ្ញវត្ថុសាធារណៈ និងរដ្ឋបាលសាធារណៈទាំងមូល។ លោកមានជំនឿជាក់ថា ប្រព័ន្ធ FMIS នឹងផ្តល់ព័ត៌មានហិរញ្ញវត្ថុបានត្រឹមត្រូវ ទាន់ពេលវេលាដែលនេះជាគ្រឹះសំខាន់សម្រាប់ថ្នាក់ដឹកនាំងាយស្រួលក្នុងការធ្វើសេចក្តីសម្រេចចិត្តបានត្រឹមត្រូវផ្តល់ផលប្រយោជន៍ការផ្តល់សេវាសាធារណៈដល់ប្រជាពលរដ្ឋបានទាន់ពេលវេលា។ គួរបញ្ជាក់ផងដែរថា ប្រព័ន្ធ FMIS ទទួលបានជោគជ័យក្នុងការដាក់ឱ្យអនុវត្តក្នុងជំហានទី១ ក្នុងក្របខ័ណ្ឌអគ្គនាយកដ្ឋានគន្លឹះៗនៃក្រសួងសេដ្ឋកិច្ច និងហិរញ្ញវត្ថុ និងរតនាគាររាជធានី-ខេត្តទាំង២៥ កាលពីឆ្នាំ២០១៧ និងក្នុងជំហានទី២ បានអនុវត្តជាមួយក្រសួងចំនួន១០ កាលពីដើមឆ្នាំ២០១៨ រួមមាន ក្រសួងសេដ្ឋកិច្ច និងហិរញ្ញវត្ថុ ក្រសួងអប់រំ យុវជន និងកីឡា ក្រសួងសុខាភិបាល ក្រសួងការងារនិងបណ្តុះបណ្តាលវិជ្ជាជីវៈ ក្រសួងកសិកម្ម រុក្ខាប្រមាញ់ និងនេសាទ ក្រសួងឧស្សាហកម្ម និងសិប្បកម្ម ក្រសួងប្រៃសណីយ៍ ក្រសួងបិរស្ថាន ក្រសួងកិច្ចការនារី  និងក្រសួងមុខងារសាធារណៈ និងកំពុងបន្តអនុវត្តជាមួយក្រសួង១០ ផ្សេងទៀតមានក្រសួងរៀបចំដែនដី នគរូបនីយកម្ម និងសំណង់ ក្រសួងសាធារណៈការ និងដឹកជញ្ជូន ក្រសួងការបរទេស និងសហប្រតិបត្តិការអន្តរជាតិ ក្រសួងពាណិជ្ជកម្ម ក្រសួងព័ត៌មាន ក្រសួងអភិវឌ្ឍន៍ជនបទ រដ្ឋលេខាធិការដ្ឋានអាកាសចរស៊ីវិល ក្រសួងធនធានទឹក និងឧតុនិយម ក្រសួងសង្គមកិច្ច អតីតយុទ្ធជន […]

ព័ត៌មានលម្អិត

18

Apr, 2018

ក្រុមការងារគ្រប់គ្រងគម្រោង FMIS នឹងចុះពិនិត្យការដ្ឋានផ្ទាល់ ប្រមូលព័ត៌មាន សិក្សាទីតាំង និងកំណត់អត្តសញ្ញាណអ្នកប្រើប្រាស់ប្រព័ន្ធ FMIS នៅក្រសួងចំនួន១០ផ្សេងទៀត

ដោយ៖: | Tags: | មតិយោបល់: 0

ក្នុងទិសដៅសម្រេចបានតាមផែនការអនុវត្តគម្រោង FMIS ជំហានទី២ ឆ្នាំ២០១៨ ប្រកបដោយភាពរលូន និងជោគជ័យ ក្រុមការងារគ្រប់គ្រងគម្រោង FMIS (FMWG) នឹងចុះពិនិត្យការដ្ឋានផ្ទាល់ ប្រមូលព័ត៌មាន សិក្សាទីតាំង និងកំណត់អត្តសញ្ញាណអ្នកប្រើប្រាស់ប្រព័ន្ធ FMIS នៅក្រសួង-ស្ថាប័នចំនួន១០ ដែលត្រូវប្រើប្រាស់ប្រព័ន្ធ FMIS នៅឆ្នាំ២០១៨ ។ ក្រុមងារគ្រប់គ្រងគម្រោង FMIS នឹងត្រូវចុះអនុវត្តការងារចំនួន ៣ធំៗនៅតាមក្រសួងស្ថាប័នទាំង១០ រួមមាន៖ ១. សិក្សាអំពីនីតិវិធីអនុវត្តការងារបច្ចុប្បន្ន (Current Business Process) ដើម្បីយកមកវិភាគ និងរៀបចំជានីតិវិធីអនុវត្តការងារជាមួយប្រព័ន្ធ (To-Be Business Process) លើមុខងារចំនួន៤ រួមមាន៖ មុខងារវិភាជន៍ថវិកា, មុខងារទិញ, មុខងារគណនីត្រូវសង និង មុខងារគណនីត្រូវទារ ២. សិក្សាទីតាំងជាក់ស្តែងនៅតាមការដ្ឋានសម្រាប់ដាក់ឧបករណ៍សម្ភារបច្ចេកវិទ្យាព័ត៌មានដើម្បីរៀបចំបណ្តាញតភ្ជាប់, ការសិក្សាកម្លាំងចរន្តអគ្គិសនីផ្គត់ផ្គង់ក្នុងអគារ និង ៣. សិក្សាទីតាំងរបស់ថ្នាក់ដឹកនាំ និង មន្ត្រីដែលត្រូវប្រើប្រាស់ប្រព័ន្ធ FMIS ដើម្បីធ្វើការតភ្ជាប់បណ្តាញមកកាន់មជ្ឍមណ្ឌលទិន្នន័យ និង មជ្ឍមណ្ឌលសង្គ្រោះទិន្នន័យរបស់ប្រព័ន្ធ ។ ក្រុមការងារគ្រប់គ្រងគម្រោង FMIS នឹងចុះទៅកាន់ក្រសួង-ស្ថាប័នទាំង១០តាមកាលវិភាគដូចខាងក្រោម៖ ថ្ងៃទី២៣ មេសា ២០១៨៖ ក្រសួងការបរទេស និងសហប្រតិបត្តិការអន្តរជាតិ និងក្រសួងសាធារណៈការ និងដឹកជញ្ជូន ។ ថ្ងៃទី២៤ មេសា ២០១៨៖ ក្រសួងអភិវឌ្ឍន៍ជនបទ និងក្រសួងរៀបចំដែនដី នគរូបនីយកម្ម និងសំណង់ ។ ថ្ងៃទី២៥ មេសា ២០១៨៖ ក្រសួងទេសចរណ៍ និងក្រសួងពាណិជ្ជកម្ម ។ ថ្ងៃទី២៦ មេសា ២០១៨៖ ក្រសួងធនធានទឹក និងឧតុនិយម និងក្រសួងព័ត៌មាន ។ ថ្ងៃទី២៧ មេសា ២០១៨៖ រដ្ឋលេខាធិការដ្ឋានអាកាសចរស៊ីវិល […]

ព័ត៌មានលម្អិត

5

Apr, 2018

បើទោះមានការបារម្ភតិចតួចតែមន្ទីរសេដ្ឋកិច្ចនិងហិរញ្ញវត្ថុខេត្ត ស្វាគមន៍ដំណើរបេសកកម្មរបស់ក្រុមការងារគ្រប់គ្រងគម្រោង FMIS

ដោយ៖: | Tags: | មតិយោបល់: 0

កាលពីសប្តាហ៍ថ្ងៃទី២៦ ដល់ថ្ងៃទី ៣០ ខែ មីនា ឆ្នាំ ២០១៨ ក្រុមការងារលេខាធិការដ្ឋានគ្រប់គ្រងគម្រោង FMIS បានបន្តបេសសកម្មរបស់ខ្លួនទៅមន្ទីរសេដ្ឋកិច្ចនិងហិរញ្ញវត្ថុខេត្តកណ្ដាល ព្រៃវែង ស្វាយរៀង កំពង់ចាម ត្បូងឃ្មុំ រាជធានីភ្នំពេញ និងក្រចេះ ដើម្បីសិក្សាពីនីតិវិធីអនុវត្តការងារ និងកំណត់អត្តសញ្ញាណអ្នកប្រើប្រាស់ប្រព័ន្ធ FMIS ។ ក្នុងដំណើរបេសសកម្មសប្តាហ៍នេះ ក្រុមការងារលេខាធិការដ្ឋានបន្តទទួលបានការស្វាគមន៍យ៉ាងកក់ក្តៅពីមន្ទីរសេដ្ឋកិច្ចនិងហិរញ្ញវត្ថុខេត្ត ដែលអនុញ្ញាតិឱ្យក្រុមការងារអាចសម្រេចបានជោគជ័យក្នុងការកំណត់អត្តសញ្ញាណ និងនីតិវិធីអនុវត្តការងារ បើទោះជាក្នុងនោះមានការបារម្ភតិចតួចពីការចាត់ចែងមន្រ្តីប្រើប្រាស់ប្រព័ន្ធនៅមន្ទីរសេដ្ឋកិច្ចនិងហិរញ្ញវត្ថុក្តី។ លេខាធិការដ្ឋានក្រុមការងារគ្រប់គ្រងគម្រោង FMIS បានធ្វើការពន្យល់ពីការចាត់តាំងមន្រ្តីប្រើប្រាស់ប្រព័ន្ធឱ្យសមស្របនឹងការងារបច្ចុប្បន្ននិងការងារក្នុងប្រព័ន្ធ ម្យ៉ាងមន្ទីរសេដ្ឋកិច្ចនិងហិរញ្ញវត្ថុក៏អាចធ្វើសំណើសុំផ្សេងៗពីការបន្ថែមមន្រ្តី ការស្នើសុំបណ្តុះបណ្តាល ឬជំនួយពីក្រុមការងារផងដែរ។ ក្នុងដំណើរបេសសកកម្មនេះ ក្រុមហេដ្ឋារចនាសម្ព័ន្ធបច្ចេកវិទ្យាព័ត៌មាន បានសិក្សាពីទីតាំង និងគូរប្លង់អគារនៃមន្ទីរសេដ្ឋកិច្ចទាំងអស់រួចរាល់ ព្រមទាំងបានចុះទៅធ្វើការថែទាំ និងជួសជុលម៉ាស៊ីនកុំព្យូទ័រ នៅរតនាគារខេត្តផងដែរ។ សម្រាប់ក្រុមមុខងារប្រព័ន្ធ បានធ្វើការសិក្សាពីលំហូរការងារទៅតាមមុខងារនីមួយៗ និងទទួលបានឯកសារគ្រប់គ្រាន់ដែលមុខងារនីមួយៗត្រូវការ ដើម្បីយកមកសិក្សាបន្ថែម។ ក្រុមការងារថែមទាំងទទួលបាននូវអង្គការលេខ និងការបែងចែកតួនាទី ភារកិច្ចរបស់មន្ទីរផងដែរ។ យ៉ាងណាមិញ សម្រាប់បញ្ជីឈ្មោះអ្នកដែលត្រូវប្រើប្រាស់ប្រព័ន្ធ គឺខាងមន្ទីរសូមពិភាក្សាផ្ទៃក្នុងជាមុនសិនទើបផ្ញើជូនក្រុមការងារតាមក្រោយ។ គួរបញ្ជាក់ផងដែរថា សប្តាហ៍ទី១ នៃខែមេសា នេះ គឺជាបេសសកម្មបញ្ចប់របស់លេខាធិការដ្ឋានក្រុមការងារគ្រប់គ្រងគម្រោង FMIS ទៅមន្ទីរសេដ្ឋកិច្ចនិងហិរញ្ញវត្ថុខេត្ត កំពង់ឆ្នាំង បន្ទាយមានជ័យ ឧត្តរមានជ័យ ពោធិ៍សាត់ បាត់ដំបង និងប៉ៃលិន ។

ព័ត៌មានលម្អិត

26

Mar, 2018

ក្រសួងសេដ្ឋកិច្ចរៀបចំកម្មវិធី បញ្ជ្រាបការយល់ដឹងអំពីប្រព័ន្ធ FMIS សម្រាប់ក្រសួង-ស្ថាប័នទាំង ១០ ដែលត្រូវចូលរួមអនុវត្តគម្រោង FMIS ឆ្នាំ ២០១៨

ដោយ៖: | Tags: | មតិយោបល់: 0

លេខាធិការដ្ឋានក្រុមការងារគ្រប់គ្រងគម្រោង FMIS នៃក្រសួងសេដ្ឋកិច្ចនិងហិរញ្ញវត្ថុ បានរៀបចំកម្មវិធី“បញ្ជ្រាបការយល់ដឹងអំពីប្រព័ន្ធ FMIS សម្រាប់ក្រសួង-ស្ថាប័នទាំង ១០ ដែលត្រូវចូលរួមអនុវត្តគម្រោង FMIS ឆ្នាំ ២០១៨” នៅព្រឹកថ្ងៃចន្ទ ១០ កើត ខែ ចេត្រ ឆ្នាំ រកា នព្វស័ក ព.ស. ២៥៦១ ត្រូវនឹងថ្ងៃទី២៦ ខែ មីនា ឆ្នាំ ២០១៨ នៅសណ្ឋាគារភ្នំពេញ ក្រោមអធិបតីភាពរបស់ឯកឧត្តមបណ្ឌិត ហ៊ាន សាហ៊ីប រដ្ឋលេខាធិការ និងជា ប្រធានក្រុមការងារគ្រប់គ្រងគម្រោង FMIS នៃក្រសួងសេដ្ឋកិច្ចនិងហិរញ្ញវត្ថុ។ កម្មវិធីរៀបចំឡើងក្នុងគោលបំណងសំខាន់ទី១ គឺដើម្បីឱ្យក្រសួង-ស្ថាប័ន បានស្វែងយល់កាន់តែច្បាស់លើទិដ្ឋភាពរួមរបស់ប្រព័ន្ធ FMIS និង មុខងារនីមួយៗ ដែលបាននិងកំពុងដាក់ឱ្យប្រើប្រាស់នៅតាមក្រសួង-ស្ថាប័ន ហើយនឹងត្រូវបន្តដាក់ឱ្យប្រើប្រាស់ជាផ្លូវការនៅក្រសួង-ស្ថាប័នចំនួន ១០ បន្ថែមទៀត នៅដើមឆ្នាំ ២០១៩ ។ គោលបំណងសំខាន់ទី២ គឺការបញ្រ្ជាបការយល់ដឹងស៊ីជម្រៅអំពីនីតិវិធីអនុវត្តការងារតាមប្រព័ន្ធ FMIS នៃមុខងារនីមួយៗ ដែលក្រសួង-ស្ថាប័ន ត្រូវជ្រាប និង ស្វែងយល់ឱ្យបានច្បាស់ ដើម្បីត្រៀមលក្ខណៈក្នុងការសហការជាមួយក្រុមការងារនាពេលដ៏ខ្លីខាងមុខនេះ ។ ចំណែកគោលបំណងសំខាន់មួយទៀតនោះ គឺការបំផុសឱ្យមានការគិតគូរស៊ីជម្រៅលើការរៀបចំកំណត់អត្តសញ្ញាណ,  តួនាទី និង ភារកិច្ច រួមទាំងការគូសព្រាងប្លង់ទីតាំងរបស់មន្រ្តីដែលត្រូវប្រើប្រាស់ប្រព័ន្ធ FMIS នៅតាមក្រសួង-ស្ថាប័ននីមួយៗ ក៏ដូចជាការគិតគូរអំពីបញ្ហាប្រឈម និង សំណូមពរនានាផងដែរ ដើម្បីជាធាតុចូលចាំបាច់សម្រាប់ក្រុមការងារយកមកគិតគូរ និង វិភាគឱ្យកាន់តែច្បាស់លាស់ក្នុងការត្រៀមចុះបំពេញការងារតាមផ្នែកនិងសកម្មភាពនីមួយៗឱ្យបានសមស្រប និង គ្រប់ជ្រុងជ្រោយ ។ កម្មវិធី“បញ្ជ្រាបការយល់ដឹងអំពីប្រព័ន្ធ FMIS សម្រាប់ក្រសួង-ស្ថាប័នទាំង ១០ ដែលត្រូវចូលរួមអនុវត្តគម្រោង FMIS ឆ្នាំ ២០១៨” មានការចូលរួមពីក្រុមការងារអនុវត្តគម្រោង FMIS នៃក្រសួង-ស្ថាប័នចំនួន ១០ ដែលត្រូវអនុវត្តប្រព័ន្ធក្នុងឆ្នាំ២០១៨ សរុបប្រមាណ១៣០ រូប។ […]

ព័ត៌មានលម្អិត