+855 23 43 00 63

14

Jul, 2017

ការធ្វើសន្ធានកម្មទិន្នន័យរវាងប្រព័ន្ធ FMIS និងប្រព័ន្ធគ្រប់គ្រងចំណូលពន្ធ (TAX SYSTEM) កំពុងស្ថិតនៅក្នុងកិច្ចពិភាក្សាលើការងារបច្ចេកទេស

ដោយ៖: | Tags: | មតិយោបល់: 0

លេខាធិការដ្ឋានក្រុមការងារគ្រប់គ្រងគម្រោង FMIS នៃក្រសួងសេដ្ឋកិច្ច និងហិរញ្ញវត្ថុ កាលពីថ្ងៃទី ១៣ ខែកក្កដា ឆ្នាំ២០១៧ បានជួបពិភាក្សាការងារជាមួយនឹងក្រុមការងារបច្ចេកទេសនៃអគ្គនាយកដ្ឋានពន្ធដារ អំពីលទ្ធភាពនៃការធ្វើសន្ធានកម្មរវាងប្រព័ន្ធព័ត៌មានវិទ្យាគ្រប់គ្រងហិរញ្ញវត្ថុសាធារណៈ (FMIS) និងប្រព័ន្ធគ្រប់គ្រងការប្រមូលចំណូលពន្ធដារ (TAX SYSTEM) របស់អគ្គនាយកដ្ឋានពន្ធដារ។ កិច្ចពិភាក្សាដែលប្រព្រឹត្តិទៅរយៈពេលជាងពីរម៉ោង នៅនាយកដ្ឋានព័ត៌មានវិទ្យា នៃទីស្តីការក្រសួងសេដ្ឋកិច្ច និងហិរញ្ញវត្ថុ បានទទួលបានលទ្ធផលមួយចំនួន ដោយក្នុងនោះលេខាធិការដ្ឋានក្រុមការងារគ្រប់គ្រងគម្រោង FMIS បានផ្ដល់យោបល់ទៅអគ្គនាយកដ្ឋានពន្ធដារឱ្យគិតគូរអំពីតម្រូវការទិន្នន័យដែលប្រព័ន្ធពន្ធដារត្រូវការពីប្រព័ន្ធ FMIS ពាក់ព័ន្ធនឹងចំណូលកាត់ទុកដោយអគ្គនាយកដ្ឋានរតនាគារជាតិ ឬរតនាគាររាជធានីខេត្ត ។ ដោយឡែក ក្រុមការងារនៃអគ្គនាយកដ្ឋានពន្ធដារ ក៏បានយល់ និងដឹងអំពីតម្រូវការនៃការធ្វើសន្ធានកម្មទិន្នន័យចំណូលពន្ធដារចូលមកប្រព័ន្ធ FMIS ផងដែរ។ យ៉ាងណាក៏ដោយ ក្រុមការងារនៃអគ្គនាយកដ្ឋានពន្ធដារពុំទាន់អាចឆ្លើយតបអំពីលទ្ធភាពនៃការលើកឡើងរបស់លេខាធិការដ្ឋានក្រុមការងារគ្រប់គ្រងគម្រោង FMIS នៅឡើយទេ ដោយស្នើសុំយកលទ្ធផល នៃកិច្ចប្រជុំនេះទៅពិភាក្សាជាមួយថ្នាក់ដឹកនាំរបស់អគ្គនាយកដ្ឋាន និងក្រុមការងារបច្ចេកទេសដែលកាន់ការងារផ្ទាល់ជាមួយប្រព័ន្ធពន្ធដារសិន ដោយសារក្រុមការងារបច្ចេកទេសដែលកាន់ការងារផ្ទាល់ជាមួយប្រព័ន្ធពន្ធដារមិនបានចូលរួមកិច្ចប្រជុំនេះ ។ ពាក់ព័ន្ធនឹងបញ្ហានេះ លេខាធិការដ្ឋានក្រុមការងារគ្រប់គ្រងគម្រោង FMIS បានស្នើសុំកិច្ចសហការបន្តពីក្រុមការងារបច្ចេកទេសរបស់អគ្គនាយកដ្ឋានពន្ធដារ និងស្នើសុំរៀបចំកិច្ចប្រជុំបន្តបន្ទាប់ទៀតពាក់ព័ន្ធនឹងលទ្ធភាពសន្ធានកម្ម និងការងារបច្ចេកទេសផ្សេងៗដែលនឹងធ្វើឱ្យការធ្វើសន្ធានកម្មរវាងប្រព័ន្ធ FMIS និង ប្រព័ន្ធពន្ធដារប្រកបដោយភាពជោគជ័យ ។ គួរជម្រាបជូនថា កន្លងមកលេខាធិការដ្ឋានក្រុមការងារគ្រប់គ្រងគម្រោង FMIS ទទួលបានជោគជ័យផ្ទួនៗរួចមកហើយ ក្នុងការធ្វើសន្ធានកម្មទិន្នន័យរវាងប្រព័ន្ធ FMIS ជាមួយនឹងប្រព័ន្ធ ASYCUDA របស់អគ្គនាយកដ្ឋានគយនិងរដ្ឋាករ និងប្រព័ន្ធ FMIS ជាមួយនឹងប្រព័ន្ធ DMFAS របស់អគ្គនាយកដ្ឋានសហប្រតិបត្តិការអន្តរជាតិ និងគ្រប់គ្រងបំណុល  រួមជាមួយនឹងការទទួលបានជោគជ័យក្នុងការទាញយករបាយការណ៍ធនាគារជាមួយនឹងធនាគារជាតិ និងធនាគារពាណិជ្ជ ៕

ព័ត៌មានលម្អិត

11

Jul, 2017

ប្រកាសព័ត៌មាន លេខ ៣៩ (ខែ មិថុនា ឆ្នាំ ២០១៧)

ដោយ៖: | Tags: | មតិយោបល់: 0

នៅក្នុងខែ មិថុនា នេះ លេខាធិការដ្ឋានក្រុមការងារគ្រប់គ្រងគម្រោង FMIS បានបញ្ចប់ការរៀបចំឯកសារដេញថ្លៃផ្គត់ផ្គង់   ឧបករណ៍ សម្ភារបច្ចេកវិទ្យាព័ត៌មាន សម្រាប់គាំទ្រដល់ដំណើរការអនុវត្តគម្រោង FMIS ជំហានទី២ និងបានជួបប្រជុំពិភាក្សាជាមួយក្រុមការងារគ្រប់គ្រងគម្រោង FMIS លើកិច្ចលទ្ធកម្មសម្រាប់ផ្គត់ផ្គង់ឧបករណ៍ សម្ភារ និងសេវាបច្ចេកវិទ្យាព័ត៌មាន។ លើសពីនេះក្រុមការងារក៏បានចូលរួមធ្វើបទបង្ហាញអំពីប្រព័ន្ធ FMIS នៅក្នុងការប្រកួតពានរង្វាន់បច្ចេកវិទ្យាគមនាគមន៍ និង ព័ត៌មាន កម្ពុជា ២០១៧ ដែលធ្វើឡើងនៅក្នុងវិទ្យាស្ថានគមនាគមន៍កម្ពុជា និងបន្តឈានដល់ការចូលរួមវគ្គផ្តាច់ព្រ័ត្រនាថ្ងៃទី ២០ ខែ កក្កដា ឆ្នាំ ២០១៧ខាងមុខ។ ក្រុមការងារផ្នែកគ្រប់គ្រងការផ្លាស់ប្តូរ និង ប្រាស្រ័យទាក់ទងបានបញ្ចប់ការប្រជុំពិភាក្សាជាមួយអគ្គនាយកដ្ឋានគន្លឹះៗនៃក្រសួងសេដ្ឋកិច្ច និងហិរញ្ញវត្ថុក្នុងការកែលម្អនីតិវិធីអនុវត្តស្តង់ដារនៃជំហានទី ១ ដែលជាលទ្ធផលក្រុមការងារប្រមូលបានធាតុចូល សំខាន់ៗដែលជាមូលដ្ឋានក្នុងការរៀបចំ កែលម្អនីតិវិធីអនុវត្តស្តង់ដារនៅជំហានទី១ និងការត្រៀមផ្សារភ្ជាប់ជាមួយនីតិវិធីអនុវត្តស្តង់ដារនៅជំហានទី២ របស់ក្រសួង-ស្ថាប័ន។ ទន្ទឹមនឹងនេះ ក្រុមការងារបាននិងកំពុងបន្តពិនិត្យ និងរៀបចំឯកសារសម្រាប់កែលម្អនីតិវិធីអនុវត្តស្តង់ដារនេះ ដោយមានការចូលរួមសហការផ្តល់នូវធាតុចូល ពីអគ្គនាយកដ្ឋានសវនកម្មផ្ទៃក្នុងនៃក្រសួងសេដ្ឋកិច្ច និងហិរញ្ញវត្ថុផង ដើម្បីដាក់ជូនថ្នាក់ដឹកនាំក្រសួងសេដ្ឋកិច្ច និង ហិរញ្ញវត្ថុពិនិត្យ និង សម្រេច។ ដោយឡែកក្រុមការងាររៀបចំនីតិវិធីអនុវត្តការងារបាន បញ្ចប់ការគូសលំហូរការងារ និង ការបរិយាយលំហូរនីតិវិធីអនុវត្តការងារនាពេលអនាគត (To-Be Business Processes) របស់ក្រសួង-ស្ថាប័នទាំង ១០ និង កំពុងរង់ចាំការអនុម័តលើលំហូរនីតិវិធីអនុវត្តការងារនាពេលអនាគតពីក្រសួង-ស្ថាប័នទាំង១០។ ក្រៅពីនេះ ក្រុមការងារក៏បានរៀបចំការប្រជុំពិភាក្សាជាមួយអគ្គនាយកដ្ឋានពាក់ព័ន្ធគន្លឹះៗ ដើម្បីចូលរួមផ្តល់ជាធាតុចូលបន្ថែមអំពីលំហូរការងារនាពេលអនាគតរបស់ក្រសួង-ស្ថាប័ន ។ ស្របពេលជាមួយគ្នានេះ ក្រុមការងារក៏នៅតែបន្តសកម្មភាពយ៉ាងសកម្មក្នុងការជួយគាំទ្រ និង សម្របសម្រួលដោះស្រាយបញ្ហាប្រឈមផ្សេងៗរបស់អ្នកប្រើប្រាស់ផងដែរ។ ពាក់ព័ន្ធនឹងការងារសន្ធានកម្ម បច្ចុប្បន្ន ក្រុមការងារផ្នែកមុខងារប្រព័ន្ធ FMIS បានកំពុងធ្វើការសាកល្បងការធ្វើសន្ធានកម្មទិន្នន័យរវាងធនាគារវឌ្ឍនៈ ជាមួយប្រព័ន្ធ  FMIS ដោយគ្រោងនឹងបញ្ចប់នៅដើមខែ កក្កដា ខាងមុខនេះ ។   ចំណែកក្រុមការងារផែ្នក ហេដ្ឋារចនាសម្ព័ន្ធបច្ចេកវិទ្យាព័ត៌មាននិងគមនាគមន៍ បាននិងកំពុងធ្វើការរៀបចំកែលម្អប្រព័ន្ធសុវត្ថិភាពបន្ថែមសម្រាប់ប្រព័ន្ធ FMIS និង ចុះបេសកកម្មត្រួតពិនិត្យ ជួសជុល និង ថែទាំឧបករណ៍បច្ចេកវិទ្យាព័ត៌មាននៅតាមរតនាគាររាជធានី-ខេត្តទាំង២៥ […]

ព័ត៌មានលម្អិត

26

Jun, 2017

ប្រព័ន្ធ FMIS បានបង្កើតសារជូនដំណឹងមួយសម្រាប់អ្នកប្រើប្រាស់នៅពេលជ្រើសរើសសក្ខីប័ត្រខុស

ដោយ៖: | Tags: | មតិយោបល់: 0

កន្លងមកគេសង្កេតឃើញថា មានអ្នកប្រើប្រាស់ប្រព័ន្ធ FMIS ជាពិសេសមន្ត្រីប្រើប្រាស់ប្រព័ន្ធទទួលបន្ទុកផ្នែក គណនីត្រូវសង បានធ្វើការជ្រើសរើសប្រភេទសក្ខីប័ត្រ (Voucher Style) សម្រាប់បង្កើតបុរេប្រទានក្នុងប្រព័ន្ធ FMIS មិនបានត្រឹមត្រូវ បើទោះបីជារាល់ការកត់ត្រាប្រតិបត្តិការក្នុងប្រព័ន្ធ FMIS ឆ្លងកាត់កាពិនិត្យនិងអនុម័តដែលមិនអាចរំលងបានក៏ដោយ ។ ដោយមើលឃើញពីបញ្ហានេះកើតឡើងជារឿយៗ ក្រុមការងារគ្រប់គ្រងគម្រោង FMIS នៃអគ្គលេខាធិការដ្ឋាន នៃក្រសួងសេដ្ឋកិច្ច និងហិរញ្ញវត្ថុ បានខិតខំស្វែងរកដំណោះស្រាយដោយបានបង្កើតនូវ “ប្រព័ន្ធសាររម្លឹក” ដល់អ្នកប្រើប្រាស់ប្រព័ន្ធ FMIS ដោយនឹងមិនអនុញ្ញាតិឱ្យអ្នកប្រើប្រាស់រក្សាទុកនៅពេល គណនីបុរេប្រទានណាមួយ (១៤០១, ១៤០២, ១៥០៥១, ១៥០៥២, ១៥០៥៥ ឬ ១៥០៥៦) ត្រូវបានប្រើប្រាស់មិនបានត្រឹមត្រូវជាមួយ (Regular Voucher) ឡើយ ។

ព័ត៌មានលម្អិត

23

Jun, 2017

ព្រឹត្តិបត្រព័ត៌មានគម្រោង FMIS ចេញផ្សាយលេខ ០១១ — ខែមេសា ឆ្នាំ២០១៧

ដោយ៖: | Tags: | មតិយោបល់: 0

មាតិកា៖ ឯ.ឧ. ហ៊ាន សាហ៊ីប៖ ប្រព័ន្ធ FMISនឹងនាំមកនូវការផ្លាស់ប្ដូរ កម្រងរូបភាពក្នុងពិធីដាក់ឱ្យអនុវត្តគម្រោង FMIS ជំហានទី ២ ជាផ្លូវការ អគ្គរដ្ឋទូតសហភាពអឺរ៉ុប៖គម្រោង FMISនឹងផ្ដល់មូលដ្ឋានក្នុងការធ្វើទំនើបកម្មការគ្រប់គ្រង ការត្រៀមខ្លួនជាស្រេចរបស់ក្រុមការងារគ្រប់គ្រងគម្រោង FMISក្នុងការពង្រីកការអនុវត្តគម្រោង ការទូទាត់រហ័សក្នុងប្រព័ន្ធ FMIS សង្ខេបមុខងារគណនីត្រូវទារ ចំណុចគួរចងចាំពេលចាប់ផ្ដើមប្រើប្រាស់ប្រព័ន្ធ FMIS ក្រសួងចំនួន១០ ចូលរួមសិក្ខាសាលាស្តីអំពីការគ្រប់គ្រងការផ្លាស់ប្ដូរ និងនីតិវិធីអនុវត្តស្តង់ដារ វគ្គបណ្តុះបណ្តាលបំប៉នពីការប្រើប្រាស់ប្រព័ន្ធ ទំព័រសំណួរ-ចម្លើយ និងទំនាក់ទំនងមកក្រុមការងារគ្រប់គ្រងគម្រោង លោកអ្នកអាចទាញយកព្រឹត្តិបត្រព័ត៌មានគម្រោង FMIS ចេញផ្សាយលេខ ០១១ – ខែ មេសា ឆ្នាំ ២០១៧ បានពីទំព័រនេះ៖ http://fmis.mef.gov.kh/contents/uploads/2017/06/Newsletter-11-kh%E2%80%8B.pdf

ព័ត៌មានលម្អិត

22

Jun, 2017

ប្រព័ន្ធ FMIS កំពុងស្ថិតនៅក្នុងវគ្គពាក់កណ្តាលផ្តាច់ព្រ័ត្រនៃការប្រកួតពានរង្វាន់បច្ចេកវិទ្យាគមនាគមន៍ និងព័ត៌មាន កម្ពុជា ២០១៧

ដោយ៖: | Tags: | មតិយោបល់: 0

លោក អៀច សេដ្ឋា អនុប្រធាននាយកដ្ឋានព័ត៌មានវិទ្យា នៃអគ្គលេខាធិការដ្ឋាន នៃក្រសួងសេដ្ឋកិច្ច និងហិរញ្ញវត្ថុ កាលពីព្រឹកថ្ងៃទី២២ ខែមិថុនា ឆ្នាំ២០១៧  បានធ្វើបទបង្ហាញមួយអំពី ប្រព័ន្ធព័ត៌មានវិទ្យាគ្រប់គ្រងហិរញ្ញវត្ថុ (FMIS) នៅក្នុងឱកាសនៃការប្រកួតពានរង្វាន់បច្ចេកវិទ្យាគមនាគមន៍ និងព័ត៌មាន កម្ពុជា ២០១៧ ដែលធ្វើឡើងនៅក្នុងវិទ្យាស្ថានគមនាគមន៍កម្ពុជា ក្នុងរាជធានាភ្នំពេញ ។ នៅក្នុងចំណោមបេក្ខភាពនៃការប្រកួតពានរង្វាន់បច្ចេកវិទ្យាគមនាគមន៍ និងព័ត៌មាន កម្ពុជា ២០១៧ នេះ គេសង្កេតឃើញថា មានស្ថាប័នរដ្ឋចំនួនបីបានចូលរួមប្រកួតប្រជែង ក្នុងនោះមាន “ប្រព័ន្ធស្វ័យប្រវត្តិកម្មចុះបញ្ជីររថយន្ត” របស់ក្រសួងសាធារណការ និងដឹកជញ្ជូន  “ Cambodian Public Service App” របស់ក្រសួងមុខងារសាធារណៈ និងចុងក្រោយគឺ “ប្រព័ន្ធព័ត៌មានវិទ្យាគ្រប់គ្រងហិរញ្ញវត្ថុសាធារណៈ (FMIS) ” របស់ក្រសួងសេដ្ឋកិច្ច និងហិរញ្ញវត្ថុ ។ គួរបញ្ជាក់ផងដែរថា ពានរង្វាន់ បច្ចេកវិទ្យាគមនាគមន៍ និងព័ត៌មាន កម្ពុជា (CICTA) ត្រូវបានរៀបចំឡើងក្នុងគោលបំណងរួមចំណែកផ្តល់ឱ្យនូវភាពជោគជ័យផ្នែកវិស័យគមនាគមន៍ និងព័ត៌មានវិទ្យា ក្នុងចំណោមសហគ្រិនភាពនៅក្នុងប្រទេសកម្ពុជា ។ ហើយក្នុងឆ្នាំ ២០១៧ នេះ បេក្ខជនដែលទទួលបានជោគជ័យចាប់ពីលេខមួយរហូតដល់លេខបី នឹងទទួលបានទឹកប្រាប់លេខ១ទទួលបានចំនួន ១០.០០០ ដុល្លារអាមេរិក លេខ២ទទួលបានចំនួន ៣.០០០ ដុល្លារអាមេរិក និងលេខ៣ទទួលបានចំនួន ១.០០០ ដុល្លារអាមេរិក ៕

ព័ត៌មានលម្អិត