ព្រឹត្តិការណ៍ Archives - ប្រព័ន្ធបច្ចេកវិទ្យាព័ត៌មានសម្រាប់ការគ្រប់គ្រងហិរញ្ញវត្ថុសាធារណៈប្រព័ន្ធបច្ចេកវិទ្យាព័ត៌មានសម្រាប់ការគ្រប់គ្រងហិរញ្ញវត្ថុសាធារណៈ

Jul, 2023

កិច្ចប្រជុំបូកសរុបលទ្ធផលការងារ និង ត្រួតពិនិត្យវឌ្ឍនភាពការងារប្រចាំត្រីមាសទី ២ ក្នុងក្របខណ្ឌ នាយកដ្ឋានបច្ចេកវិទ្យាព័ត៌មាន និង លេខាធិការដ្ឋាន FMWG

ដោយ៖: Koam Vutha | Tags: | មតិយោបល់: 0

ឯកឧត្តម មន្ត ប្រាថ្នា អគ្គលេខាធិការរង និង ជាអនុប្រធានប្រចាំការក្រុមការងារគ្រប់គ្រងគម្រោង FMIS តំណាង ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋមន្ត្រីប្រតិភូអមនាយករដ្ឋមន្ត្រី រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និង ជាប្រធានក្រុមការងារគ្រប់គ្រងគម្រោង FMIS បានដឹកនាំកិច្ចប្រជុំពិភាក្សាស្តីពី ការបូកសរុបលទ្ធផលការងារ និង ត្រួតពិនិត្យវឌ្ឍនភាពការងារប្រចំាត្រីមាសទី ២ ក្នុងក្របខណ្ឌនាយកដ្ឋានបច្ចេកវិទ្យាព័ត៌មាន និង លេខាធិការដ្ឋាន FMWG នាព្រឹកថ្ងៃ ពុធ ២កើត ខែ ទុតិយាសាឍ ឆ្នាំ ថោះ បញ្ចស័ក ព.ស. ២៥៦៧ ត្រូវនឹងថ្ងៃទី ១៩ ខែ កក្កដា ឆ្នំា ២០២៣ នៅទីស្តីការក្រសួងសេដ្ឋកិច្ចនិងហិរញ្ញវត្ថុ ដែលមានការចូលរួមពីថ្នាក់ដឹកនាំ និង មន្ត្រីក្រុមការងារគ្រប់គ្រងគម្រោង FMIS ។ ឯកឧត្តមអគ្គលេខាធិការរង បានគូសបញ្ជាក់ថា ស្របតាមការសម្រេចរបស់ថ្នាក់ដឹកនាំ កសហវ លើផែនការសកម្មភាពរួមនៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ឆ្នាំ ២០២៣ នាយកដ្ឋានបច្ចេកវិទ្យាព័ត៌មាន បាននិងកំពុងបន្តខិតខំអនុវត្តសកម្មភាពការងារយ៉ាងយកចិត្តទុកដាក់ ដើម្បីសម្រេចបានតាមសូចនាករដែលបានកំណត់ ដោយផ្តោតសំខាន់នៅក្នុងការបន្តពង្រីក និង ពង្រឹងសមត្ថភាពរបស់អ្នកប្រើប្រាស់ប្រព័ន្ធ និង ការប្រើប្រាស់ FMIS ជាពិសេស ទិសដៅការងារបន្តសម្រាប់ត្រីមាសទី ៣ ឆ្នាំ ២០២៣ ។ សូមបញ្ជាក់បន្ថែមផងដែរថា នៅក្នុងត្រីមាសទី ២ នាយកដ្ឋានបច្ចេកវិទ្យាព័ត៌មាន និង លេខាធិការដ្ឋានក្រុមការងារគ្រប់គ្រងគម្រោង FMIS សម្រេចលទ្ធផលការងារបាន ៩៥% បើធៀបនឹងសូចនាករដែលបានកំណត់ ។ ជាមួយគ្នានេះដែរ កិច្ចប្រជុំបានបញ្ចប់ទៅដោយមានការចូលរួមយ៉ាងផុសផុលគួរឱ្យកត់សម្គាល់ពីថ្នាក់ដឹកនាំ និង មន្ត្រីជំនាញគ្រប់ផ្នែកពាក់ព័ន្ធ ទៅលើវឌ្ឍនភាពការងារដែលសម្រេចបាន, បញ្ហាប្រឈម និង ផែនការអនុវត្តការងារបន្ត ដែលជាធាតុចូលដ៏សំខាន់នៅក្នុងការបន្តទិសដៅការងារសម្រាប់ត្រីមាសទី ៣ […]

ព័ត៌មានលម្អិត

Jul, 2023

បញ្ចប់វគ្គបណ្តុះបណ្តាលពង្រឹងសមត្ថភាពបន្ថែមស្ដីពី “គន្លឹះថ្មីៗបន្ថែមលើការប្រើប្រាស់ FMIS”

ដោយ៖: Koam Vutha | Tags: | មតិយោបល់: 0

លេខាធិការដ្ឋានក្រុមការងារគ្រប់គ្រងគម្រោង FMIS នៃក្រសួងសេដ្ឋកិច្ចនិងហិរញ្ញវត្ថុ បានរៀបចំវគ្គបណ្តុះបណ្តាលពង្រឹងសមត្ថភាពបន្ថែមស្ដីពី “គន្លឹះថ្មីៗបន្ថែមលើការប្រើប្រាស់ FMIS” ជូនក្រសួង-ស្ថាប័ន, អង្គភាពថវិកាអាណាប័កផ្ទេរសិទ្ធិពេញលេញនៅថ្នាក់កណ្តាល, មន្ទីរសេដ្ឋកិច្ចនិងហិរញ្ញវត្ថុ, រតនាគាររាជធានី-ខេត្ត, និង រដ្ឋបាលរាជធានី-ខេត្តទាំង ២៥ ដែលបាននិងកំពុងប្រើប្រាស់ FMIS ។ វគ្គបណ្តុះបណ្តាលពង្រឹងសមត្ថភាពបន្ថែមខាងលើ ដឹកនាំដោយ លោកស្រី ចាប សុវណ្ណារ៉ា អនុប្រធាននាយកដ្ឋានបច្ចេកវិទ្យាព័ត៌មាន និង ជាអនុប្រធានលេខាធិការដ្ឋានក្រុមការងារគ្រប់គ្រងគម្រោង FMIS មានសិក្ខាកាមចូលរួមសរុបចំនួន ១៥១៧ រូប ក្នុងនោះមានស្ត្រីចំនួន ៦២៧ រូប ដោយប្រព្រឹត្តទៅចាប់ពីថ្ងៃទី ១០ ដល់ថ្ងៃទី ១៨ ខែ កក្កដា ឆ្នាំ ២០២៣ តាមរយៈប្រព័ន្ធសន្និសីទវីដេអូ ដោយប្រើប្រាស់កម្មវិធី Zoom ។ វគ្គបណ្តុះបណ្តាលពង្រឹងសមត្ថភាពបន្ថែមនេះ ក្រុមការងារបានដកស្រង់ពីពីបញ្ហា និង កំហុសដែលកើតឡើងជាញឹកញាប់ ដោយទទួលបានពីអ្នកប្រើប្រាស់តាមរយៈដោយផ្ទាល់ និង ប្រយោល តួយ៉ាងតាមរយៈប្រព័ន្ធជំនួយគាំទ្រ PK-The Helper ជាដើម ដែលក្រុមការងារបានដោះស្រាយជូនរួចរាល់មកចែករំលែកជូនដល់អ្នកប្រើប្រាស់ ។ ក្រុមការងារក៏បានលើកយកគន្លឹះថ្មីបន្ថែមលើការប្រើប្រាស់ FMIS មកចែករំលែកជូនដល់អ្នកប្រើប្រាស់ផងដែរ ។ ក្រសួង-ស្ថាប័ន, អង្គភាពថវិកាអាណាប័កផ្ទេរសិទ្ធិពេញលេញនៅថ្នាក់កណ្តាល, មន្ទីរសេដ្ឋកិច្ចនិងហិរញ្ញវត្ថុរាជធានី-ខេត្ត, រតនាគាររាជធានី-ខេត្ត, និង រដ្ឋបាលរាជធានី-ខេត្តទាំង ២៥ ទទួលបានចំណេះដឹងថ្មីៗ ចំណុចគន្លឹះសំខាន់ៗពីការប្រើប្រាស់ FMIS ដែលអាចជួយសម្រួលដល់ការចុះប្រតិបត្តិការ ការប្រើប្រាស់មុខងារថ្មី និង បានយល់ពីសារៈប្រយោជន៍នៃការទាញយករបាយការណ៍ចេញពី FMIS មកប្រើប្រាស់តាមតម្រូវការជាក់ស្តែង ។ ជាមួយគ្នានេះដែរសិក្ខាកាមទាំងអស់បានចូលរួមយ៉ាងផុសផុលក្នុងការសាកសួរសំណួរ និង សំណូមពរផ្សេងៗដល់ក្រុមការងារ ដើម្បីជួយដោះស្រាយប្រកបដោយប្រសិទ្ធភាព ព្រមទាំងមានការពេញចិត្តចំពោះការរៀបចំវគ្គបណ្តុះបណ្តាលពង្រឹងសមត្ថភាពបន្ថែម ដោយអាចទទួលបាននូវចំណេះដឹងថ្មីៗ និង បច្ចុប្បន្នភាពនៃមុខងាររបស់ FMIS និង អាចចែករំលែកចំណេះដឹងថ្មីៗទាំងនោះជូនទៅអ្នកប្រើប្រាស់ផ្សេងទៀតក្នុងក្រសួង-ស្ថាប័ន […]

ព័ត៌មានលម្អិត

Jul, 2023

ពិធី ប្រកាសដាក់ឱ្យអនុវត្តនីតិវិធីចំណាយថវិកាចរន្តដែលមិនមានធានាចំណាយដោយឡែកតាម FMIS ទាំងស្រុង, ពង្រីកការដាក់ឱ្យប្រើប្រាស់ FMIS នៅការដ្ឋានថ្មី, ពង្រីកការដាក់ឱ្យប្រើប្រាស់ FMIS Portal ជំនាន់ទី ១ នៅរដ្ឋបាលថ្នាក់ក្រោមជាតិដែលនៅសេសសល់ និង ពង្រីកសន្ធានកម្មទិន្នន័យរវាង FMIS ជាមួយប្រព័ន្ធគ្រប់គ្រងមន្ត្រីរាជការរបស់ក្រសួងមុខងារសាធារណៈ

ដោយ៖: Koam Vutha | Tags: | មតិយោបល់: 0

នាថ្ងៃ ព្រហស្បតិ៍ ៤ រោច ខែ បឋមសាឍ ឆ្នាំ ថោះ បញ្ចស័ក ព.ស ២៥៦៧ ត្រូវនឹងថ្ងៃទី ០៦ ខែ កក្កដា ឆ្នំា ២០២៣, សណ្ឋាគារហៃយ៉ាត់ រីជិនស៊ី ភ្នំពេញ, ឯកឧត្ដមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ បានដឹកនាំពិធីដោយផ្ទាល់ និង តាមប្រព័ន្ធវីដេអូអនឡាញពីចម្ងាយស្តីពី “ប្រកាសដាក់ឱ្យអនុវត្តនីតិវិធីចំណាយថវិកាចរន្តដែលមិនមានធានាចំណាយដោយឡែកតាម FMIS ទាំងស្រុង, ពង្រីកការដាក់ឱ្យប្រើប្រាស់ FMIS Portal ជំនាន់ទី ១ នៅរដ្ឋបាលថ្នាក់ក្រោមជាតិដែលនៅសេសសល់ និង ពង្រីកសន្ធានកម្មទិន្នន័យរវាង FMIS ជាមួយប្រព័ន្ធគ្រប់គ្រងមន្ត្រីរាជការរបស់ក្រសួងមុខងារសាធារណៈ ” ដោយមានការចូលរួមដ៏ច្រើនកុះករដែលលើសពីការរំពឹងទុកទាំងការចូលរួមដោយផ្ទាល់ និង ការចូលរួមតាមរយៈអនឡាញ ពីឯកឧត្តម លោកជំទាវ រដ្ឋមន្ត្រីក្រសួង-ស្ថាប័ន, ថ្នាក់ដឹកនាំអភិបាលខេត្ត និង ឯកឧត្តម លោកជំទាវ លោក លោកស្រី ដែលជាថ្នាក់ដឹកនាំ តំណាងក្រសួង-ស្ថាប័ន, មន្ទីរសេដ្ឋកិច្ចនិងហិរញ្ញវត្ថុរាជធានី-ខេត្ត, រតនាគាររាជធានី-ខេត្ត, រដ្ឋបាលក្រុង ស្រុក ខណ្ឌ ឃុំ សង្កាត់ និង តំណាងដៃគូអភិវឌ្ឍន៍សរុបប្រមាណ ១៨០០ រូប ។ ថ្លែងនៅក្នុងកម្មវិធីនេះដែរ ឯកឧត្ដមអគ្គបណ្ឌិតសភាចារ្យ ឧបនាយករដ្ឋមន្ត្រី បានគូសបញ្ជាក់ថា ការពង្រីកវិសាលភាពនៃការប្រើប្រាស់ FMIS ជាមួយនឹងការពង្រីកវិសាលភាពនៃការអនុវត្តនីតិវិធីហិរញ្ញវត្ថុតាម FMIS ទាំងស្រុង គឺជាការចូលរួមចំណែកមួយនៅក្នុងការធ្វើបរិវត្តកម្មឌីជីថលរបស់រាជរដ្ឋាភិបាល ផ្អែកតាមក្របខណ្ឌគោលនយោបាយរដ្ឋាភិបាលឌីជីថល ។ ដូច្នេះ មន្ត្រីរាជការត្រូវត្រៀមលក្ខណៈឱ្យបានរួចរាល់ ក្នុងការរៀនសូត្របន្ថែមនូវមេរៀនពាក់ព័ន្ធនឹងឌីជីថល ចាប់យកនូវរបៀបធ្វើការងារតាមបែបឌីជីថល និង បង្កើនភាពស៊ាំឱ្យបានលឿនតាមឱ្យទាន់កាលៈទេសៈនៃការវិវឌ្ឍសង្គមនិងសេដ្ឋកិច្ចឌីជីថល ។ ស្របពេលដែលរាជរដ្ឋាភិបាលកម្ពុជា ក្រោមការដឹកនាំដ៏ឈ្លាសវៃរបស់ សម្ដេចអគ្គមហាសេនាបតីតេជោ […]

ព័ត៌មានលម្អិត

Jul, 2023

កម្មវិធីផ្សព្វផ្សាយលើការអនុវត្តសេចក្តីណែនាំស្តីពី “ការអនុវត្តស្វ័យប្រវត្តិកម្មផ្លាស់ប្តូរទិន្នន័យរវាងប្រព័ន្ធបច្ចេកវិទ្យាព័ត៌មានគ្រប់គ្រងទិន្នន័យបៀវត្សមន្ត្រីរាជការស៊ីវិល និង ប្រព័ន្ធបច្ចេកវិទ្យាព័ត៌មានសម្រាប់ការគ្រប់គ្រងហិរញ្ញវត្ថុសាធារណៈសម្រាប់បៀវត្ស”

ដោយ៖: Koam Vutha | Tags: | មតិយោបល់: 0

លេខាធិការដ្ឋានក្រុមការងារគ្រប់គ្រងគម្រោង FMIS បានរៀបចំកម្មវិធីផ្សព្វផ្សាយលើការអនុវត្តសេចក្តីណែនាំស្តីពី “ការអនុវត្តស្វ័យប្រវត្តិកម្មផ្លាស់ប្តូរទិន្នន័យរវាងប្រព័ន្ធបច្ចេកវិទ្យាព័ត៌មានគ្រប់គ្រងទិន្នន័យបៀវត្សមន្ត្រីរាជការស៊ីវិល និង ប្រព័ន្ធបច្ចេកវិទ្យាព័ត៌មានសម្រាប់ការគ្រប់គ្រងហិរញ្ញវត្ថុសាធារណៈសម្រាប់បៀវត្ស” ដឹកនាំដោយ លោកស្រី ចាប សុវណ្ណារ៉ា អនុប្រធាននាយកដ្ឋានបច្ចេកវិទ្យាព័ត៌មាន និង ជាអនុប្រធានលេខាធិការដ្ឋានក្រុមការងារគ្រប់គ្រងគម្រោង FMIS ដែលបានរៀបចំនៅថ្ងៃទី ៥ ខែ កក្កដា ឆ្នាំ ២០២៣ តាមរយៈប្រព័ន្ធអនឡាញ ដើម្បីជម្រាបអំពីការត្រៀមក្នុងការអនុវត្តស្វ័យប្រវត្តិកម្មខាងលើ ប្រកបដោយប្រសិទ្ធភាព ។ មានប្រសាសន៍នៅក្នុងកម្មវិធីផ្សព្វផ្សាយនេះ លោកស្រី ចាប សុវណ្ណារ៉ា បានលើកឡើងអំពីសាវតានៃការធ្វើស្វ័យប្រវត្តិកម្មផ្លាស់ប្តូរទិន្នន័យកន្លងមករវាងប្រព័ន្ធបច្ចេកវិទ្យាព័ត៌មានគ្រប់គ្រងទិន្នន័យបៀវត្សមន្ត្រីរាជការស៊ីវិល និង ប្រព័ន្ធបច្ចេកវិទ្យាព័ត៌មានសម្រាប់ការគ្រប់គ្រងហិរញ្ញវត្ថុសាធារណៈសម្រាប់បៀវត្ស • នៅខែ ឧសភា ឆ្នាំ ២០២១ សេចក្តីណែនាំលេខ ០០៥ បានដាក់ឱ្យប្រើប្រាស់ការអនុវត្តសន្ធានកម្មប្រាក់បៀវត្សពីក្រសួងមុខងារសាធារណៈ និង ក្រសួងសេដ្ឋកិច្ចនិងហិរញ្ញវត្ថុ ព្រមទាំងអង្គភាពថវិកាអាណាប័កផ្ទេរសិទ្ធិពេញលេញរបស់ក្រសួងសេដ្ឋកិច្ចនិងហិរញ្ញវត្ថុ • នៅខែ កុម្ភៈ ឆ្នាំ ២០២២ សេចក្តីណែនាំលេខ ០០១ បានដាក់ឱ្យប្រើប្រាស់ការអនុវត្តសន្ធានកម្មប្រាក់បៀវត្ស ទៅកាន់ក្រសួង-ស្ថាប័នចំនួន ៦ បន្ថែម រួមមាន៖ ១. ក្រសួងកសិកម្ម រុក្ខាប្រមាញ់ និងនេសាទ, ២. ក្រសួងអប់រំ យុវជន និង កីឡា, ៣. ក្រសួងឧស្សាហកម្ម វិទ្យាសាស្ត្រ និងនវានុវត្តន៍, ៤. ក្រសួងប្រៃសណីយ៍ និងទូរគមនាគមន៍, ៥. ក្រសួងសុខាភិបាល និង ៦. ក្រសួងការងារ និងបណ្តុះបណ្តាលវិជ្ជាជីវៈ • នៅខែ មករា ឆ្នាំ ២០២៣ បានដាក់ឱ្យប្រើប្រាស់ការអនុវត្តសន្ធានកម្មប្រាក់បៀវត្សទៅកាន់ អង្គភាពថវិកាអាណាប័កដែលទើបតែពេញសិទ្ធចំនួន ៦ បន្ថែម ដែលបំបែកចេញពី អគ្គនាយកដ្ឋានឧស្សាហកម្មហិរញ្ញវត្ថុនៃក្រសួងសេដ្ឋកិច្ចនិងហិរញ្ញវត្ថុ រួមមាន៖ ១. អគ្គលេខាធិការដ្ឋានអាជ្ញាធរសេវាហិរញ្ញវត្ថុមិនមែនធនាគារ, […]

ព័ត៌មានលម្អិត

Jun, 2023

ឯកឧត្តមបណ្ឌិតសភាចារ្យ ហ៊ាន សាហ៉ីប ៖ ដៃគូអភិវឌ្ឍន៍មិនជឿថាអាចសម្រេចកិច្ចការងារបានឡើយ ប្រសិនបើមិនមាន FMIS

ដោយ៖: Koam Vutha | Tags: | មតិយោបល់: 0

ឯកឧត្តមបណ្ឌិតសភាចារ្យ ហ៊ាន សាហ៉ីប ៖ ដៃគូអភិវឌ្ឍន៍មិនជឿថាអាចសម្រេចកិច្ចការងារបានឡើយ ប្រសិនបើមិនមានប្រព័ន្ធ FMIS មានប្រសាសន៍នៅក្នុងកិច្ចប្រជុំក្រុមការងារគ្រប់គ្រងគម្រោង FMIS ស្តីពីការរៀបចំនីតិវិធីពាក់ព័ន្ធនឹងកិច្ចលទ្ធកម្មតាម FMIS និងការងាររៀបចំសន្ធានកម្មរវាង FMIS និង ប្រព័ន្ធ EFMS របស់ក្រសួងអប់រំ យុវជន និង កីឡា ឯកឧត្តមបណ្ឌិតសភាចារ្យ ហ៊ាន សាហ៉ីប ប្រតិភូអមនាយករដ្ឋមន្ត្រី រដ្ឋលេខាធិការ និងជាប្រធានក្រុមការងារគ្រប់គ្រងគម្រោង FMIS បានឱ្យដឹងថា កាលណាមិនប្រើប្រព័ន្ធ FMIS ដៃគូអភិវឌ្ឍន៍មិនជឿថាអាចសម្រេចការងារបានឡើយ ជាពិសេសនោះគឺមិនមានចីរភាពនៃការគ្រប់គ្រងហិរញ្ញវត្ថុសាធារណៈ។ ឯកឧត្តមបណ្ឌិតសភាចារ្យប្រតិភូអមនាយករដ្ឋមន្ត្រី បានលើកឡើងដូច្នេះ គឺចំពេលដែលក្រុមការងារគ្រប់គ្រងគម្រោង FMIS ជំរុញការប្រើប្រាស់ FMIS នៅក្រសួងអប់រំ យុវជន និង កីឡា តាមពីរជម្រើសផ្សេងគ្នា ពោលគឺជម្រើសទីមួយធ្វើឡើងតាមរយៈការធ្វើសន្ធានកម្មរវាង FMIS និង EFMS និងជម្រើសទីពីរតាមរយៈការសិក្សាពីលទ្ធភាពនៃការដាក់ FMIS ឱ្យប្រើប្រាស់នៅក្នុងក្រសួងអប់រំ យុវជន និងកីឡា ផ្ទាល់តែម្តង ។ ដោយឡែក សម្រាប់កិច្ចពិភាក្សាលើការងាររៀបចំនីតិវិធីពាក់ព័ន្ធនឹងកិច្ចលទ្ធកម្មតាម FMIS ក្នុងនោះទិដ្ឋភាពទូទៅនៃមុខងារលទ្ធកម្មពេញលេញនៅក្នុង FMIS ដែលមានមុខងារគ្រប់គ្រងបញ្ជីឈ្មោះអ្នកដេញថ្លៃ ,មុខងារផែនការលទ្ធកម្ម ,មុខងារគ្រប់គ្រងការដេញថ្លៃ និង មុខងារគ្រប់គ្រងកិច្ចសន្យា រួមទាំងរំហូរនីតិវិធីថ្មីតាម FMIS ត្រូវទាមទារអោយមានការចូលរួមពីអគ្គនាយកដ្ឋានពាក់ព័ន្ធ ជាពិសេសអគ្គនាយកដ្ឋានលទ្ធកម្មសាធារណៈ ដោយសារតែរំហូរនីតិវិធីក្នុងផ្នែកលទ្ធកម្មនេះនៅមានភាពស្មុគស្មាញច្រើន ដោយសារតែបច្ចុប្បន្ននេះ នីតិវិធីថ្មីមិនអាចអនុវត្តតាមប្រព័ន្ធទាំងស្រុងបាននោះទេ តម្រូវឱ្យអ្នកប្រើប្រាស់អាចពិចារណាក្នុងការលុបបំបាត់ ឬ កាត់បន្ថយនីតិវិធីខាងក្រៅឱ្យមកខ្លី ហើយនីតិវិធីនេះនឹងអាចធ្វើការអនុវត្តបានតាមប្រព័ន្ធទាំងស្រុងនៅពេលអនុវត្តលទ្ធកម្មអេឡិកត្រូនិច ជាមួយនឹងការទទួលស្គាល់លើការប្រើប្រាស់ឯកសារជា Softcopy និង ការអនុវត្តហត្ថលេខាឌីជីថលក្នុងក្របខណ្ឌរាជរដ្ឋាភិបាលទាំងមូល ។

ព័ត៌មានលម្អិត