+855 23 43 00 63

28

Oct, 2016

ឯកឧត្តមបណ្ឌិត វង្ស ប៊ុនឥន្ទ្រាវុធ៖ របាយការណ៍ពាក់ព័ន្ធនឹងចំនួនអាណត្តិនិងតួលេខប្រចាំថ្ងៃចេញពីប្រព័ន្ធ FMIS គឺពិតជាត្រឹមត្រូវបើធៀបនឹងប្រព័ន្ធផ្សេង

ដោយ៖: | Tags: | មតិយោបល់: 0

ឯកឧត្តមបណ្ឌិត វង្ស ប៊ុនឥន្ទ្រាវុធ អគ្គនាយក នៃអគ្គនាយកដ្ឋានរតនាគារជាតិ និងជាអនុប្រធានក្រុមការងារគ្រប់គ្រងគម្រោង FMIS បានមានប្រសាសន៍ថា តាមរយៈការតាមដានព័ត៌មានកន្លងមកពាក់ព័ន្ធនឹងរបាយការណ៍នៃចំនួនអាណត្តិនិងតួលេខចេញពីប្រព័ន្ធ FMIS គឺពិតជាត្រឹមត្រូវទាំងស្រុងបើប្រៀបធៀបជាមួយនឹងប្រព័ន្ធ KIT។ ឯកឧត្តមបានបញ្ជាក់បន្ថែមថា នៅពេលដ៏ខ្លីខាងមុខ រតនាគារ នឹងឈប់ប្រើប្រាស់ប្រព័ន្ធផ្សេងទៀត ហើយងាកមកប្រើប្រាស់តែប្រព័ន្ធ FMIS ព្រោះថារបាយការណ៍ដែលចេញពីប្រព័ន្ធ FMIS គឺពិតជាត្រឹមត្រូវ។         “និយាយរួម ឱ្យតែចូលប្រព័ន្ធមក គឺត្រូវគ្នា។ យើងអាចសន្និដ្ឋានថា យើងអាចទទួលយកបាននូវព័ត៌មានពីចំនួនអាណត្តិ និងទឹកលុយនៅក្នុងរតនាគារមានចំនួនប៉ុន្មានក្នុងមួយថ្ងៃគឺយើងទទួលបាន” ឯកឧត្តមបានបញ្ជាក់យ៉ាងដូច្នេះ។ ពាក់ព័ន្ធនឹងការជំរុញឱ្យមានការប្រើប្រាស់ប្រព័ន្ធ FMIS ឱ្យបានទាំងស្រុង ឯកឧត្តម ក៏បានលើកឡើងផងដែរថា ឯកឧត្តម នឹងធ្វើការជំរុញឱ្យមន្ត្រីទាំងអស់ត្រូវចូលរួមប្រើប្រាស់ព័ន្ធ FMIS ឱ្យបានជាប្រចាំ៕

ព័ត៌មានលម្អិត

20

Oct, 2016

មន្ត្រី ១០០នាក់ ទទួលការបណ្ដុះបណ្ដាលអំពីចំណេះដឹងមូលដ្ឋាននៃការប្រើប្រាស់កុំព្យូទ័រ

ដោយ៖: | Tags: | មតិយោបល់: 0

មន្ត្រីមកពីមន្ទីរសេដ្ឋកិច្ច និងហិរញ្ញវត្ថុ រាជធានី-ខេត្តទាំង២៥ ចំនួន១០០នាក់ នឹងចូលរួមក្នុងវគ្គបណ្ដុះបណ្ដាលអំពីចំណេះដឹងមូលដ្ឋាននៃការប្រើប្រាស់កុំព្យូទ័រ ចាប់ពីថ្ងៃទី១៧ ខែតុលា ដល់ថ្ងៃទី១១ ខែវិច្ឆិកា ឆ្នាំ២០១៦ នៅឯនាយកដ្ឋានព័ត៌មានវិទ្យា នៃអគ្គលេខាធិការដ្ឋាន ក្រសួងសេដ្ឋកិច្ច និងហិរញ្ញវត្ថុ។ ឯកឧត្ដម មាស សុខសេនសាន អគ្គលេខាធិការ នៃអគ្គលេខាធិការដ្ឋាន ក្រសួងសេដ្ឋកិច្ច និងហិរញ្ញវត្ថុ បានថ្លែងក្នុងការសំណេះសំណាលមុនការចាប់ផ្ដើមវគ្គបណ្ដុះបណ្ដាលនេះថា ការបណ្ដុះបណ្ដាលនេះមិនត្រឹមតែផ្ដល់ឱ្យមន្ត្រី នូវចំណេះដឹងបន្ថែមដើម្បីយកទៅអនុវត្តការងារប្រចាំថ្ងៃប៉ុណ្ណោះទេ ប៉ុន្តែវាក៏បង្ហាញពីចេតនាយកចិត្តទុកដាក់លើការអភិវឌ្ឍន៍សមត្ថភាពមន្ត្រីរាជការ ឱ្យសមស្របទៅនឹងការវិវត្ដនានានៅក្នុងសង្គមផងដែរ។ វគ្គបណ្ដុះបណ្ដាលលើកនេះនឹងធ្វើឡើងក្នុងពីរដំណាក់កាល ដែលក្នុងដំណាក់កាលនីមួយៗមានសិក្ខាកាមចូលរួមចំនួន៥០នាក់។ មន្ត្រីដែលជាគ្រូបណ្ដុះបណ្ដាល នៃនាយកដ្ឋានព័ត៌មានវិទ្យា នឹងផ្ដោតសំខាន់លើជំនាញមូលដ្ឋាននៃ ការប្រើប្រាស់អ៊ីនធើណេត និងសារអេឡិចត្រូនិច (Internet & e-mail) តំហែទាំកុំព្យូទ័រ (Computer maintenance) ព្រមទាំងប្រព័ន្ធប្រតិបត្តិការកុំព្យូទ័រ (Windows) និងកម្មវិធីការិយាល័យនានា (Microsoft offices) ក្នុងវគ្គបណ្ដុះបណ្ដាលលើកនេះ។ លោកស្រី ចាប សុវណ្ណារ៉ា អនុប្រធាននាយកដ្ឋានព័ត៌មានវិទ្យា ទទួលបន្ទុករៀបចំការបណ្ដុះបណ្ដាលនេះបានលើកឡើងថា មន្ត្រីដែលចូលរួមនឹងទទួលបាននូវចំណេះដឹងបន្ថែមលើជំនាញកុំព្យូទ័រ ដែលអាចឱ្យគាត់យកចំណេះដឹងទាំងនេះទៅអនុវត្តនៅកន្លែងការងាររៀងៗខ្លួន ក្នុងគោលដៅបន្តពង្រឹងសមិទ្ធផលការងារដោយទាញយកផលប្រយោជន៍អំពីបច្ចេកវិទ្យាដែលមានស្រាប់យកទៅប្រើប្រាស់។ លើសពីនេះទៅទៀត  គោលបំណងនៃវគ្គបណ្ដុះបណ្ដាលនេះគឺដើម្បីឱ្យមន្ត្រីត្រៀមខ្លួនរួចជាស្រេចមុនពេល ប្រព័ន្ធព័ត៌មានវិទ្យាគ្រប់គ្រងហិរញ្ញវត្ថុសាធារណៈ (FMIS) នឹងត្រូវដាក់ឱ្យប្រើប្រាស់នៅថ្ងៃអនាគតបន្តបន្ទាប់ទៀត។ គួរបញ្ជាក់ថា មន្ត្រីនៃមន្ទីរសេដ្ឋកិច្ច និងហិរញ្ញវត្ថុមួយចំនួនបានបង្ហាញអំពីការចាប់អារម្មណ៍យ៉ាងខ្លាំងចំពោះការអនុវត្តគម្រោងប្រព័ន្ធ FMIS បើទោះបីជាការផ្សព្វផ្សាយដោយផ្ទាល់អំពីគម្រោង មិនទាន់បានធ្វើឡើងនៅក្នុងស្ថាប័នរបស់គាត់នៅឡើយក្ដី។ ក្រុមការងារគ្រប់គ្រងគម្រោង នឹងបន្តសិក្សា និងអនុវត្តផែនការយុទ្ធសាស្ត្ររបស់ខ្លួន ធានាការអនុវត្តគម្រោងប្រព័ន្ធ FMIS នឹងធ្វើឡើងប្រកបដោយចីរភាព និងប្រសិទ្ធភាព។ ទាញយកឯកសារទាក់ទងនឹងវគ្គបណ្តុះបណ្តាលអំពីចំណេះដឹងមូលដ្ឋាននៃការប្រើប្រាស់កុំព្យូទ័រ

ព័ត៌មានលម្អិត

7

Oct, 2016

FMIS កំពុងដើរតួនាទីយ៉ាងសកម្មដើម្បីជំរុញឱ្យកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈកាន់តែមានប្រសិទ្ធភាព

ដោយ៖: | Tags: | មតិយោបល់: 0

កាលពីថ្ងៃទី២៧ ខែកញ្ញា ឆ្នាំ២០១៦ គណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈបានបើកកិច្ចប្រជុំពិភាក្សាជាមួយនឹងតំណាងដៃគូរអភិវឌ្ឍន៍ ដែលបានប្រព្រឹត្តិទៅនៅទីស្តីការក្រសួងសេដ្ឋកិច្ចនិងហិរញ្ញវត្ថុ ក្រោមអធិបតីភាពឯកឧត្តមបណ្ឌិត អូន ព័ន្ធមុនីរ័ត្ន ទេសរដ្ឋមន្រ្តី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ។ នៅក្នុងកិច្ចប្រជុំខាងលើ គណៈកម្មាធិការដឹកណាំការងារកែទម្រង់ការគ្រប់គ្រងហិរញ្ញវត្ថុសាធារណៈ បានបង្ហាញនូវសេចក្តីព្រាងរបាយការណ៍ប្រចាំត្រីមាសរបស់ខ្លួន ស្តីពីការត្រួតពិនិត្យតាមដានសមិទ្ធកម្មប្រចាំត្រីមាសទី២ ឆ្នាំ២០១៦ នៃការអនុវត្តផែនការសកម្មភាពដំណាក់កាលទី៣របស់ក្រសួងសេដ្ឋកិច្ចនិងហិរញ្ញវត្ថុ។ ផ្អែកតាមរបាយការណ៍នេះ គេសង្កេតឃើញថា ប្រព័ន្ធ FMIS កំពុងតែដើរតួនាទីយ៉ាងសកម្មក្នុងការជំរុញឱ្យកម្មវិធីកែទម្រេង់ការគ្រប់គ្រងហិរញ្ញវត្ថុដំណាក់កាលទី៣ “ការផ្សារភ្ជាប់ថវិកាទៅនឹងគោលនយោបាយ”កាន់តែមានប្រសិទ្ធភាព។ នៅក្នុងកិច្ចប្រជុំនោះដែរ ឯកឧត្តមបណ្ឌិត អូន ព័ន្ធមុនីរ័ត្ន ក៏បានធ្វើការកត់សំគាល់ក៏ដូចជាកោតសរសើរដល់ក្រុមការងារប្រព័ន្ធព័ត៌មានវិទ្យាគ្រប់គ្រងហិរញ្ញវត្ថុសាធារណៈ FMIS ជុំវិញការខិតខំប្រឹងប្រែងក្នុងការអនុវត្តការងារប្រកបដោយប្រសិទ្ធភាពនិងភាពរលូនដើម្បីជំរុញឱ្យដំណើរការនៃការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈកាន់តែមានប្រសិទ្ធភាពនិងភាពជោគជ័យ៕

ព័ត៌មានលម្អិត

4

Oct, 2016

ដំណឹងជ្រើសរើសមន្ត្រីជាប់កិច្ចសន្យា

ដោយ៖: | Tags: | មតិយោបល់: 0

នាយកដ្ឋានព័ត៌មានវិទ្យា នៃអគ្គលេខាធិការដ្ឋាន ក្រសួងសេដ្ឋកិច្ច និងហិរញ្ញវត្ថុកំពុងជ្រើសរើសមន្ត្រីជាប់កិច្ចសន្យាចំនួន១០រូប ក្នុងជំនាញផ្សេងៗដូចខាងក្រោម៖ ផលិតកម្មវិធីលើទូរស័ព្ទដែលមានប្រព័ន្ធដំណើរការ iOS (iOS App Programmer) ចំនួន ០១រូប ផ្នែកសរសេរកម្មវិធីកុំព្យូទ័រ (Programmer) ចំនួន ០៤រូប ផ្នែកគំនូរជីវចល (Animator) ចំនួន ០២រូប ផ្នែកទំនាក់ទំនងសាធារណៈ (Public Relation) ចំនួន ០២រូប ផ្នែក Copy Writer ចំនួន ០១រូប បេក្ខជនដែលមានចំណាប់អារម្មណ៍ សូមផ្ញើប្រវត្តិរូបសង្ខេប និងឯកសារពាក់ព័ន្ធមកនាយកដ្ឋានព័ត៌មានវិទ្យា ឬតាមរយៈអាសយដ្ឋានអេឡិចត្រូនិច៖ itd.info@mef.gov.kh ឱ្យបានមុនថ្ងៃទី១៤ ខែតុលា ឆ្នាំ២០១៦។ សម្រាប់ព័ត៌មានបន្ថែម សូមទាក់ទងតាមលេខទូរស័ព្ទ៖ ០១២ ៦២៩ ៩៥៦ [/vc_column_text][/vc_column][/vc_row]

ព័ត៌មានលម្អិត

14

Sep, 2016

ប្រធាន​រតនាគារ​រាជធានី-ខេត្ត មាន​សុទិដ្ឋិនិយម​លើ​ប្រព័ន្ធ FMIS

ដោយ៖: | Tags: | មតិយោបល់: 0

ប្រធាន​រតនាគារ​រាជធានី-ខេត្ត មាន​ការតាំងចិត្ត​ខ្ពស់​ក្នុង​ការអនុវត្ត​ប្រព័ន្ធ FMIS នៅ​រតនាគារ​ឱ្យ​កាន់​តែមាន​ប្រសិទ្ធភាព បន្ទាប់ពី​បាន​ធ្វើដំណើរ​ទស្សន​កិច្ចសិក្សា​ស្វែងយល់​ពី​ការអនុវត្ត ប្រព័ន្ធ​ព័ត៌មានវិទ្យា​គ្រប់គ្រង​ហិរញ្ញវត្ថុ​សាធារណៈ ដែលមាន​ឈ្មោះថា SPAN​ នៅ​ទីក្រុង​ចា​កាតា ប្រទេស​ឥណ្ឌូនេស៊ី កាលពី​ចុង​ខែកក្កដា ឆ្នាំ២០១៦។ លោក សេង ម៉ៅ ប្រធាន​រតនាគារ​ខេត្តស្ទឹងត្រែង ដែល​បាន​ចូល​ធ្វើដំណើរ​ទស្សន​កិច្ចសិក្សា​ទៅ​ប្រទេស​ឥណ្ឌូនេស៊ី មានប្រសាសន៍ថា ការអនុវត្ត​ប្រព័ន្ធ SPAN របស់​ឥណ្ឌូនេស៊ី មិនសូវមាន​បញ្ហា​ប្រឈម​គួរឱ្យកត់សម្គាល់​ខ្លាំង​នោះទេ ដោយសារ​ប្រទេស​ឥណ្ឌូនេស៊ី​ប្រើប្រាស់​ពេលវេលា​ច្រើន​ឆ្នាំ ក្នុង​ការសិក្សា​កត្តា​ពាក់ព័ន្ធ​ទាំងអស់​មុននឹង​ដាក់ឱ្យអនុវត្ត​ជា​ផ្លូវការ ដោយឡែក​ប្រព័ន្ធ FMIS របស់​ប្រទេស​កម្ពុជា គឺ​ត្រូវ​ដាក់ឱ្យអនុវត្ត ក្នុង​លក្ខខណ្ឌ​សិក្សា​រៀនសូត្រ​បណ្តើរ អនុវត្ត​បណ្តើរ ដែល​ជាហេតុ​នាំឱ្យមាន​បញ្ហា​ប្រឈម​ច្រើន។ លោក​បន្ថែមថា បើទោះជា​ប្រព័ន្ធ FMIS ជា​ប្រព័ន្ធ​ថ្មី​ដែល​ធ្វើឱ្យ​មន្រ្តី​រតនាគារ​មាន​ការលំបាក​ខ្លះៗក្នុង​ការប្រើប្រាស់​ក្តី ទាំង​ថ្នាក់ដឹកនាំ និង​មន្រ្តី​រតនាគារ​ទាំងអស់​កំពុង​ប្រឹងប្រែង​សិក្សា​បន្ថែម និង​បញ្ចូល​ប្រតិបត្តិការ​ទៅក្នុង​ប្រព័ន្ធ​ឱ្យបាន​ទាន់ពេលវេលា និង​មាន​ប្រសិទ្ធភាព។ ក្នុងនោះ​លោក​ក៏បាន​ជំរុញលើកទឹកចិត្ត​ដល់​មន្រ្តី​ក្នុង​ការប្រើប្រាស់​ប្រព័ន្ធ តាមរយៈ​ការចូលរួម​ដោះស្រាយបញ្ហា​ប្រឈម​ឱ្យបាន​ទាន់ពេលវេលា ផ្តល់​ជា​ថវិកា​ឧបត្ថម្ភ និង​កម្លាំងចិត្ត​ជាដើម។ លោក តូច គន្ធា ប្រធាន​រតនាគារ​ខេត្តឧត្តរមានជ័យ ដែល​បាន​ចូលរួម​ដំណើរ​ទស្សន​កិច្ចសិក្សា​ទៅ​ប្រទេស​ឥណ្ឌូនេស៊ី​ផង​ដែរនោះ មានប្រសាសន៍​ឱ្យដឹងថា ការប្រើប្រាស់​ប្រព័ន្ធ SPAN ក្នុង​ការកត់ត្រា​ប្រតិបត្តិការ​ហិរញ្ញវត្ថុ​គឺមាន​សុ​ក្រិត​ភាព​ខ្ពស់ ដោះស្រាយបញ្ហា​បាន​ទាន់ពេលវេលា ដោយសារ​ប្រព័ន្ធ​មាន​បច្ចេកវិទ្យា​ខ្ពស់ និង​មាន​ភាពទំនើប។ លោក​បាន​បញ្ជាក់ថា នៅពេលដែល​ប្រព័ន្ធ FMIS ដំណើរការបាន​រលូន វា​អាចជួយ​កាត់បន្ថយ​ពេលវេលា​របស់​មន្រ្តី​ក្នុង​ការចុះ​ប្រតិបត្តិការ កាត់បន្ថយ​ការប្រើប្រាស់​ឯកសារ​ជា​ក្រដាស​បាន​ច្រើន និង​អាច​ផលិត​របាយការណ៍​ហិរញ្ញវត្ថុ​បាន​ច្រើន​ប្រភេទ ព្រមទាំង​មាន​សុ​ក្រិត​ភាព​ខ្ពស់។ លោក​ប្រាប់ថា មកដល់​ពេលបច្ចុប្បន្ន ការចុះ​ប្រតិបត្តិការ និង​ទាញយក​របាយការណ៍​របស់​រតនាគារ​ខេត្ត មាន​ភាពល្អប្រសើរ​ពីមួយថ្ងៃ​ទៅមួយថ្ងៃ ហើយ​ការបញ្ចូល​អាណត្តិ​ក្នុង​ប្រព័ន្ធ​បាន៩៥% ហើយ​មន្រ្តី​រតនាគារ​កំពុង​ខិត​ខំព្យាយាម​បញ្ចូល​ឱ្យបាន១០០% នា​ពេលអនាគត។ ស្របពេល​ជាមួយគ្នានេះដែរ លោក កែ ប៊ុន​ឡេង ប្រធាន​រតនាគារ​រាជធានី​ភ្នំពេញ ដែល​បាន​ចូលរួម​ក្នុង​ដំណើរ​ទស្សន​កិច្ចសិក្សា​ផង​ដែរនោះ ក៏បាន​ប្រាប់​ដូចគ្នា​ថា ឧបករណ៍​សម្រាប់​គាំទ្រ​ប្រព័ន្ធ SPAN គឺមាន​ភាពទំនើប​ជាង​ប្រព័ន្ធ FMIS ហើយ​ជំហាន​ត្រៀម មុននឹង​ដាក់ឱ្យអនុវត្ត​ប្រព័ន្ធ SPAN ក៏មាន​រយៈពេល​យូរ​ផងដែរ។ បើទោះជា​យ៉ាងនេះ​ក្តី លោក កែ ប៊ុន​ឡេង បានបញ្ជាក់​ដោយ​សុទិដ្ឋិនិយម​ថា យើង​សង្ឃឹមថា​ការអនុវត្ត​គម្រោង​ប្រព័ន្ធ FMIS […]

ព័ត៌មានលម្អិត