+855 23 43 00 63

4

Apr, 2024

សិក្ខាសាលាស្តីពី ការត្រៀមលក្ខណៈសម្រាប់ការរៀបចំថវិកាឆ្នាំ ២០២៥ របស់ក្រសួងសេដ្ឋកិច្ចនិងហិរញ្ញវត្ថុ

ដោយ៖: | Tags: | មតិយោបល់: 0

ដើម្បីសិក្សាស្វែងយល់ និង ត្រៀមលក្ខណៈឱ្យបានរួចរាល់ ព្រមទាំងជាធាតុចូលក្នុងការរៀបចំផែនការយុទ្ធសាស្រ្តថវិកា ៣ ឆ្នាំ រំកិល និង ផែនការថវិកាឆ្នាំ ២០២៥ របស់ក្រសួងសេដ្ឋកិច្ចនិងហិរញ្ញវត្ថុ ក្រុមការងារនៃអគ្គនាយកដ្ឋានបច្ចេកវិទ្យាព័ត៌មានគ្រប់គ្រងហិរញ្ញវត្ថុសាធារណៈ និង ជាលេខាធិការដ្ឋានក្រុមការងារគ្រប់គ្រងគម្រោង FMIS បាន ចូលរួមសិក្ខាសាលាស្តីពីការត្រៀមលក្ខណៈសម្រាប់ការរៀបចំថវិកាឆ្នាំ ២០២៥ របស់ក្រសួងសេដ្ឋកិច្ចនិងហិរញ្ញវត្ថុ កាលពីថ្ងៃទី ១-២ ខែ មេសា ឆ្នាំ ២០២៤ នៅខេត្តព្រះសីហនុ ។   ពិធីបើកអង្គសិក្ខាសាលា​ ប្រព្រឹត្តិទៅក្រោមអធិបតីភាពរបស់ ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ​ និង ពិធីបិទក្រោមអធិបតីភាព ឯកឧត្តម ឯក ចន្ថា អគ្គលេខាធិការ នៃអគ្គលេខាធិការដ្ឋាន ក្រសួងសេដ្ឋកិច្ចនិងហិរញ្ញវត្ថុ ដែលមានអ្នកចូលរួមមកពីអង្គភាពពាក់ព័ន្ធក្រោមឱវាទក្រសួងសេដ្ឋកិច្ចនិងហិរញ្ញវត្ថុ សរុបប្រមាណ ២៥០ រូប ។ ថ្លែងក្នុងពិធីបើកអង្គសិក្ខាសាលា ឯកឧត្តមបណ្ឌិតសភាចារ្យ មានប្រសាសន៍ណែនាំ និង លើកទឹកចិត្តដល់អ្នកចូលរួមទាំងអស់ឱ្យត្រង់ត្រាប់ស្តាប់បទបង្ហាញ ការណែនាំរបស់មន្រ្តីជំនាញរៀបចំផែនការរបស់អគ្គលេខាធិការដ្ឋាន ពីការគ្រោងរៀបចំផែនការថវិកាសម្រាប់ឆ្នាំ ២០២៥ ព្រមទាំងបំផុសគំនិតឱ្យក្រុមការងារទាំងអស់ផ្តោតលើបេសកកម្មសំខាន់ៗរបស់អង្គភាពដោយផ្សារភ្ជាប់ជាមួយគោលនយោបាយថ្មីរបស់រាជរដ្ឋាភិបាល និង ចូលរួមផ្តល់យោបល់ កែលម្អ ក្នុងការរៀបចំ ការវិភាជន៍ថវិកា ដើម្បីឱ្យការអនុវត្តថវិកាកាន់តែមានប្រសិទ្ធភាព មានគុណភាពដើម្បីឆ្លើយតបទៅបានលើគោលនយោបាយរបស់ក្រសួងសេដ្ឋកិច្ចនិងហិរញ្ញវត្ថុ និង គោលនយោបាយរាជរដ្ឋាភិបាល ដែលក្រសួងសេដ្ឋកិច្ចនិងហិរញ្ញវត្ថុ បានចាប់ផ្តើមអនុវត្តព័ត៌មានសមិទ្ធកម្មដំបូងគេ ដើម្បីជាគំរូសម្រាប់ក្រសួង-ស្ថាប័នដទៃ ។ ក្រុមការងារអគ្គនាយកដ្ឋានបច្ចេកវិទ្យាព័ត៌មានគ្រប់គ្រងហិរញ្ញវត្ថុសាធារណៈ បានចូលរួមសាកសួរសំណួរ​ និង ស្វែងយល់បន្ថែមពីនីតិវិធី និង ទម្រង់ថ្មីក្នុងការរៀបចំផែនការថវិកាឆ្នាំ ២០២៥ ដើម្បីឱ្យការរៀបចំបានត្រឹមត្រូវ និង មានប្រសិទ្ធខ្ពស់ ដែលអគ្គនាយកដ្ឋានចូលរួមការអនុវត្តគោលនយោបាយទី ២ នៃក្រសួងសេដ្ឋកិច្ចនិងហិរញ្ញវត្ថុគឺ ផ្តោតលើការគ្រប់គ្រងប្រព័ន្ធហិរញ្ញវត្ថុសាធារណៈ ក្នុងកម្មវិធីទី ៤ លើការពង្រឹង និង បង្កើនស័ក្តិសិទ្ធភាព និង ប្រសិទ្ធភាពនៃការគ្រប់គ្រងចំណាយសាធារណៈការគ្រប់គ្រងប្រព័ន្ធហិរញ្ញវត្ថុសាធារណៈ […]

ព័ត៌មានលម្អិត

1

Apr, 2024

ក្រសួងសេដ្ឋកិច្ច និង ហិរញ្ញវត្ថុ រៀបចំសិក្ខាសាលាស្តីពី ការត្រៀមលក្ខណៈសម្រាប់ការរៀបចំថវិកាឆ្នាំ ២០២៥ របស់ក្រសួងសេដ្ឋកិច្ច និង ហិរញ្ញវត្ថុ

ដោយ៖: | Tags: | មតិយោបល់: 0

នាព្រឹកថ្ងៃទី ១ ខែ មេសា ឆ្នាំ ២០២៤ នៅសណ្ឋាគារឆ្នេរសុខា ខេត្តព្រះសីហនុ, ក្រសួងសេដ្ឋកិច្ច និង ហិរញ្ញវត្ថុ បានរៀបចំ “សិក្ខាសាលាត្រៀមលក្ខណៈ សម្រាប់ការរៀបចំថវិកាឆ្នាំ ២០២៥ របស់ក្រសួងសេដ្ឋកិច្ច និង ហិរញ្ញវត្ថុ” ។ ពិធីនេះ បានប្រព្រឹត្តទៅក្រោមការដឹកនាំរបស់ ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ និងជាប្រធានក្រុមការងារថវិកាកម្រិតថ្នាក់ដឹកនាំអង្គភាពថវិកា នៃក្រសួងសេដ្ឋកិច្ចនិងហិរញ្ញវត្ថុ តំណាងដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយកដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និង ហិរញ្ញវត្ថុ, ដោយមានការអញ្ជើញចូលរួមពី ឯកឧត្តមអគ្គលេខាធិការ នៃអគ្គលេខាធិការដ្ឋានក្រសួង ឯកឧត្តម លោកជំទាវ លោក លោកស្រី ថ្នាក់ដឹកនាំ និង មន្ត្រីបច្ចេកទេសនៃអង្គភាពថវិកា សរុបប្រមាណ ២៥០ រូប ។ សិក្ខាសាលានេះត្រូវបានរៀបចំឡើង ក្រោមការសម្របសម្រួលរបស់អគ្គលេខាធិការដ្ឋានក្រសួងសេដ្ឋកិច្ច និង ហិរញ្ញវត្ថុ ដែលជាអង្គភាពទទួលបន្ទុកហិរញ្ញវត្ថុរបស់ក្រសួង ក្នុងគោលបំណងបង្កើនសមត្ថភាព និង ការយល់ដឹង ជូនអង្គភាពថវិកានៃក្រសួងសេដ្ឋកិច្ច និង ហិរញ្ញវត្ថុ ដោយផ្ដោតជាសំខាន់លើការរៀបចំថវិកា ព្រមទាំងជំរុញឱ្យការរៀបចំថវិការបស់ក្រសួង កាន់តែមានគុណភាព និង រៀបចំបានទាន់ពេល ជូនអគ្គនាយកដ្ឋានថវិកា ។ ថ្លែងក្នុងពិធីនោះ ឯកឧត្តមបណ្ឌិតសភាចារ្យ បានសង្កត់ធ្ងន់ថា ដើម្បីឱ្យការអនុវត្តថវិកាមានភាពរលូន និង អាចគាំទ្របានដល់ការអនុវត្តការងារអាទិភាព ដែលកំណត់ដោយរាជរដ្ឋាភិបាល និង ក្រសួងបាន, ចាំបាច់ត្រូវគិតគូរឱ្យបានម៉ត់ចត់ជាមុន ពោលគឺ ចាប់តាំងពីដំណាក់កាលរៀបចំថវិកា ហើយការងារនេះ រឹតតែមានសារៈសំខាន់ខ្លាំងឡើង ដោយហេតុថាការរៀបចំថវិកាឆ្នាំ ២០២៥ ស្ថិតក្នុងបរិការណ៍នៃការអនុវត្តរបៀបរបបថ្មី តាមបែបផែនថវិកាសមិទ្ធកម្ម ដែលជាគោលដៅនៃដំណាក់កាលទី ៤ និង ជាដំណាក់កាលចុងក្រោយ នៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ […]

ព័ត៌មានលម្អិត

1

Apr, 2024

សិក្ខាសាលាផ្សព្វផ្សាយស្តីពី “បញ្ជីស្តង់ដាថ្លៃទំនិញ និងសេវា ដើម្បីត្រៀមអនុវត្តសាកល្បងសម្រាប់ថវិកាកម្មវិធីឆ្នាំ២០២៥”

ដោយ៖: | Tags: | មតិយោបល់: 0

ក្នុងគោលបំណងផ្តល់នូវធាតុចូលសម្រាប់ទិន្នន័យបញ្ជីស្តង់ដាថ្លៃទំនិញ និងសេវា ដើម្បីត្រៀមអនុវត្តសាកល្បងសម្រាប់ថវិកាកម្មវិធីឆ្នាំ ២០២៥ លេខាធិការដ្ឋានក្រុមការងារគ្រប់គ្រងគម្រោង FMIS បានចូលរួមសិក្ខាសាលាផ្សព្វផ្សាយស្តីពី “បញ្ជីស្តង់ដាថ្លៃទំនិញ និងសេវា ដើម្បីត្រៀមអនុវត្តសាកល្បងសម្រាប់ថវិកាកម្មវិធីឆ្នាំ២០២៥” ដែលបានប្រព្រឹត្តិទៅនៅថ្ងៃទី ២៨-២៩ ខែមីនា ឆ្នាំ២០២៤ នៅសណ្ឋាគារអង្គរប៉ារាឌី ខេត្តសៀមរាប ។ គួរបញ្ជាក់ថា បញ្ជីស្តង់ដាថ្លៃទំនិញ និងសេវា គឺជាព័ត៌មានឯកតាថ្លៃនៃទំនិញនិងសេវា ដែលជាឯកសារយោងដើម្បីជាមូលដ្ឋានសម្រាប់រៀបចំផែនការ ការត្រួតពិនិត្យ និងការអនុម័តថវិកា ជាពិសេសសម្រាប់ថវិកាដែលត្រូវអនុវត្តកិច្ចលទ្ធកម្ម។ ការរៀបចំបញ្ជីស្តង់ដាថ្លៃទំនិញនិងសេវា ត្រូវបានរៀបចំឡើងដោយឈរលើមូលដ្ឋានមុខទំនិញនិងសេវា ដែលមានការប្រើប្រាស់ជាប្រចាំ និងញឹកញាប់នៅតាមក្រសួង-ស្ថាប័ន តាមរយៈការជួបពិភាក្សាប្រមូលធាតុចូលជាមួយក្រសួង-ស្ថាប័ន និងទិន្នន័យ ដែលបានកត់ត្រានិងរក្សាទុកក្នុងប្រព័ន្ធ FMIS ។ តាមរយៈអង្គសិក្ខាសាលា នៅជំហានបន្ត គឺការដាក់បញ្ចូលបញ្ជីស្តង់ដាថ្លៃ ទៅក្នុងប្រព័ន្ធ FMIS សង្គតិភាពនឹងការអនុវត្តជាក់ស្តែងសម្រាប់ថវិកាឆ្នាំ២០២៥ ក្នុងន័យប្រើប្រាស់បាន និងមានភាពទាន់ពេលវេលានៃវដ្តថវិកាប្រចាំឆ្នាំ ៕

ព័ត៌មានលម្អិត

7

Mar, 2024

ក្រសួងសេដ្ឋកិច្ច និង ហិរញ្ញវត្ថុ រៀបចំកម្មវិធី “បញ្ជ្រាបការយល់ដឹងស្តីពី នីតិវិធីចំណាយ និង ចលនាឥណទានថវិកាចរន្ត តាម FMIS ទាំងស្រុង” ជូនក្រសួង-ស្ថាប័នចំនួន ១០ បន្ថែម

ដោយ៖: | Tags: | មតិយោបល់: 0

នាព្រឹកថ្ងៃទី ៧ ខែ មីនា ឆ្នាំ ២០២៤ នៅសណ្ឋាគារ រ៉ាហ្វិល រ៉ូយ៉ាល់, ក្រសួងសេដ្ឋកិច្ច និង ហិរញ្ញវត្ថុ បានរៀបចំកម្មវិធីបញ្ជ្រាបការយល់ដឹងស្តីពី “នីតិវិធីចំណាយ និង ចលនាឥណទានថវិកាចរន្តតាម FMIS ទាំងស្រុង ជូនក្រសួង-ស្ថាប័នចំនួន ១០ បន្ថែម” ក្រោមការដឹកនាំរបស់ ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ និង ជាប្រធានក្រុមការងារគ្រប់គ្រងគម្រោង FMIS ដោយមានការអញ្ជើញចូលរួមពីថ្នាក់ដឹកនាំ និង មន្រ្តីរាជការ នៃក្រសួង-ស្ថាប័នពាក់ព័ន្ធ ប្រមាណ ២៥០ រូប ។ កម្មវិធីនេះ ត្រូវបានរៀបចំឡើងក្នុងគោលបំណងបញ្ជ្រាបការយល់ដឹងអំពីការអនុវត្តនីតិវិធីគ្រប់មុខសញ្ញាចំណាយថវិកាចរន្ត បូករួមទាំង នីតិវិធីបង្កើត ឬ កែសម្រួលរជ្ជទេយ្យបុរេប្រទាន និង ចលនាឥណទានថវិកាចរន្ត តាម FMIS ទាំងស្រុង ជូនដល់ អង្គភាពទទួលបន្ទុកហិរញ្ញវត្ថុ និង អង្គភាពថវិកាអាណាប័កផ្ទេរសិទ្ធិពេញលេញ និង មិនពេញលេញថ្នាក់កណ្តាល ដែលទទួលបានការប្រគល់សិទ្ធិពីអាណាប័កដើមខ្សែ លើការអនុវត្តនីតិវិធីចំណាយគ្រប់មុខសញ្ញា និង ចលនាឥណទានថវិកា នៃក្រសួង-ស្ថាប័នចំនួន ១០ រួមមាន ១.ក្រសួងអប់រំ យុវជន និង កីឡា ២.ក្រសួងមុខងារសាធារណៈ ៣.ក្រសួងព្រះបរមរាជវាំង ៤.ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និង នវានុវត្តន៍ ៥.ក្រសួងផែនការ ៦.ក្រសួងសាធារណការ និង ដឹកជញ្ជូន ៧.អគ្គលេខាធិការដ្ឋានក្រុមប្រឹក្សាធម្មនុញ្ញ ៨.អគ្គលេខាធិការដ្ឋានព្រឹទ្ធសភា ៩.អគ្គលេខាធិការដ្ឋានរដ្ឋសភា និង ១០.អង្គភាពប្រឆាំងអំពើពុករលួយ ព្រមទាំងអគ្គនាយកដ្ឋានថវិកា អគ្គនាយកដ្ឋានរតនាគារជាតិ និង ថ្នាក់ដឹកនាំនៃក្រសួងសេដ្ឋកិច្ច និង ហិរញ្ញវត្ថុ ដែលនឹងត្រូវអនុវត្តនៅក្នុងឆ្នាំ ២០២៤ ។ […]

ព័ត៌មានលម្អិត

1

Mar, 2024

ការបញ្ចប់វគ្គបណ្តុះបណ្តាលស្តីពី “វិជ្ជាជីវៈលើការគ្រប់គ្រងហិរញ្ញវត្ថុសាធារណៈតាម FMIS” ជូនរដ្ឋបាលក្រុង ស្រុក និង ខណ្ឌចំនួន ៤៤

ដោយ៖: | Tags: | មតិយោបល់: 0

“យើងមានជំនឿចិត្តខ្ពស់ក្នុងការអនុវត្ត, ការប្រើប្រាស់ប្រព័ន្ធថ្មីនេះ ហើយដើម្បីយើងប្រកួតប្រជែង មិនមែនសម្រាប់ប្រកួតប្រជែងនៅរដ្ឋបាលថ្នាក់ក្រោមជាតិទេ ប៉ុន្តែយើងប្រកួតប្រជែងសម្រាប់បច្ចេកវិទ្យាថ្មី” សម្តី លោក រ៉េត រ៉ន ប្រធានការិយាល័យរដ្ឋបាល និងហិរញ្ញវត្ថុ នៃរដ្ឋបាលក្រុងប៉ោយប៉ែត ខេត្តបន្ទាយមានជ័យ សិក្ខាកាមដែលបានចូលរួមវគ្គបណ្តុះបណ្តាល ។ ក្រសួងសេដ្ឋកិច្ចនិងហិរញ្ញវត្ថុ បានបញ្ចប់ដោយជោគជ័យនូវវគ្គបណ្តុះបណ្តាលស្តីពី “វិជ្ជាជីវៈលើការគ្រប់គ្រងហិរញ្ញវត្ថុសាធារណៈតាម FMIS” សម្រាប់រដ្ឋបាលក្រុង ស្រុក និង ខណ្ឌចំនួន ៤៤ ដែលដឹកនាំដោយ លោកស្រី ចាប សុវណ្ណារ៉ា អគ្គនាយករង នៃអគ្គនាយកដ្ឋានបច្ចេកវិទ្យាព័ត៌មានគ្រប់គ្រងហិរញ្ញវត្ថុសាធារណៈ និង ជាអនុប្រធានលេខាធិការដ្ឋានក្រុមការងារគ្រប់គ្រងគម្រោង FMIS តំណាងដ៏ខ្ពង់ខ្ពស់ពី ឯកឧត្តមបណ្ឌិតសភាចារ្យ  ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ចនិងហិញ្ញវត្ថុ និង ជាប្រធានក្រុមការងារគ្រប់គ្រងគម្រោង FMIS ដោយមានការអញ្ជើញចូលរួមពីឯកឧត្តម លោកជំទាវ លោក លោកស្រី ថ្នាក់ដឹកនាំ និង មន្ត្រីជំនាញពីរដ្ឋបាលក្រុង ស្រុក និង ខណ្ឌចំនួន ៤៤ នារសៀលថ្ងៃ ព្រហស្បតិ៍ ៥រោច ខែ មាឃ ឆ្នាំ ថោះ បញ្ចស័ក ព.ស. ២៥៦៧ ត្រូវនឹងថ្ងៃទី ២៩ ខែ កុម្ភៈ ឆ្នាំ ២០២៤ នៅសាកលវិទ្យាល័យសេដ្ឋកិច្ចនិងហិរញ្ញវត្ថុ ដែលមានសិក្ខាកាមចូលរួមសរុបចំនួន ២៨៥រូប ក្នុងនោះស្ត្រីមានចំនួន ១០៨រូប ។ គួរបញ្ជាក់ផងដែរថា វគ្គបណ្តុះបណ្តាល ខាងលើនេះ បានប្រព្រឹត្តិទៅកាលពីថ្ងៃទី ៨ ខែ មករា ឆ្នាំ ២០២៤ រហូតដល់ ថ្ងៃទី ២៩ ខែ កុម្ភៈ ឆ្នាំ ២០២៤ […]

ព័ត៌មានលម្អិត