នៅថ្ងៃចន្ទ ៥កើត ខែពិសាខ ឆ្នាំថោះ បញ្ចស័ក ព.ស. ២៥៦៦ ត្រូវនឹងថ្ងៃទី២៤ ខែមេសា ឆ្នំា២០២៣ តាមរយៈប្រព័ន្ធសិក្សាពីចម្ងាយ UEF e-learning System របស់សាកលវិទ្យាល័យសេដ្ឋកិច្ចនិងហិរញ្ញវត្ថុ, លេខាធិការដ្ឋានក្រុមការងារគ្រប់គ្រងគម្រោង FMIS ដែលដឹកនាំដោយលោកស្រី ចាប សុវណ្ណារ៉ា អនុប្រធាននាយកដ្ឋានបច្ចេកវិទ្យាព័ត៌មាន និង ជាអនុប្រធានលេខាធិការដ្ឋានក្រុមការងារគ្រប់គ្រងគម្រោង FMIS បានរៀបចំវគ្គបណ្តុះបណ្តាស្តីពី “វិជ្ជាជីវៈលើការគ្រប់គ្រងហិរញ្ញវត្ថុសាធារណៈតាមប្រព័ន្ធ FMIS ” ជូនគ្រឹះស្ថានសាធារណៈរដ្ឋបាលចំនួន ៤ ។ វគ្គបណ្តុះបណ្តាលនេះមានការចូលរួមពីគ្រឹះស្ថានសាធារណៈរដ្ឋបាលចំនួន ៤ មានដូចជា៖ ១. គ្រឹះស្ថានអង្គរ, ២. មជ្ឈមណ្ឌលបណ្តុះធុរកិច្ចថ្មី “តេជោ”, ៣. វិទ្យាស្ថានស្រាវជ្រាវនិងអភិវឌ្ឍន៍កសិកម្មកម្ពុជា និង ៤. រាជបណ្ឌិត្យសភាកម្ពុជា ។

វគ្គបណ្តុះបណ្តាលនេះមានរយៈពេល ១៥៨ ម៉ោងនេះ គឺគិតចាប់ពីថ្ងៃទី២៤ ខែមេសា ដល់ថ្ងៃទី២៦ ខែឧសភា ឆ្នាំ ២០២៣ ដែលត្រូវបានរៀបចំឡើងតាមរយៈប្រព័ន្ធសិក្សាពីចម្ងាយ UEF e-Learning System របស់សាកលវិទ្យាល័យសេដ្ឋកិច្ចនិងហិរញ្ញវត្ថុ នៅក្នុងនោះមុខវិជ្ជារួមមាន៖

១. មូលដ្ឋានគ្រឹះនៃការប្រើប្រាស់ប្រព័ន្ធ FMIS

២. នីតិវិធីអនុវត្តស្តង់ដារ

៣. គណនេយ្យសាធារណៈ

៤. គោលការណ៍ណែនាំស្តីអំពីនីតិវិធីអនុវត្តថវិកាកម្មវិធី

៥. គោលការណ៍នីតិវិធីអនុវត្តថវិកាចរន្តតាមកម្មវិធី

៦. មុខងារវិភាជន៍ថវិកា (អ្នកបញ្ចូល និង អ្នកអនុម័ត)

៧. មុខងារការទិញ (ធានាចំណាយ)-(អ្នកបញ្ចូល និង អ្នកអនុម័ត)

៨. មុខងារការទិញ (កិច្ចលទ្ធកម្ម)-(អ្នកបញ្ចូល និង អ្នកអនុម័ត)

៩. មុខងារគណនេយ្យត្រូវសង (គណនេយ្យបង្គរ)-(អ្នកបញ្ចូល និង អ្នកអនុម័ត)

១០. មុខងារគណនេយ្យត្រូវសង (ទូទាត់)-(អ្នកបញ្ចូល និង អ្នកអនុម័ត)

១១. មុខងារគណនេយ្យត្រូវទារ (អ្នកបញ្ចូល និង អ្នកអនុម័ត)

១២. មុខងារគ្រប់គ្រងសាច់ប្រាក់ (អ្នកបញ្ចូល និង អ្នកអនុម័ត)

១៣. មុខងារសៀវភៅធំ (អ្នកបញ្ចូល និង អ្នកអនុម័ត)

១៤. ត្រួតពិនិត្យរបាយការណ៍

១៥. ប្រព័ន្ធជំនួយគាំទ្រ PK-The Helper

សូមបញ្ជាក់ថា បន្ទាប់ពីការបណ្តុះបណ្តាលជាលក្ខណៈទ្រឹស្តីពីសំណាក់គ្រូឧទ្ទេសអំពីអនុមុខងារនីមួយៗនៅក្នុងប្រព័ន្ធ FMIS រួចរាល់, គ្រូឧទ្ទេស ក៏បានធ្វើការបង្ហាញពីរបៀបបង្កើត ត្រួតពិនិត្យ និង អនុម័ត នៃអនុមុខងារទាំងនេះនៅក្នុងប្រព័ន្ធជាក់ស្តែងផងដែរ ដើម្បីធានាបាននូវប្រសិទ្ធភាពខ្ពស់នៅក្នុងការអនុវត្តប្រព័ន្ធនាពេលខាងមុខនេះ ។ ជាមួយគ្នានេះ, មានការចូលរួមយ៉ាងផុសផុលពីថ្នាក់ដឹកនាំ និង មន្ត្រីជំនាញ ដែលជាសិក្ខាកាមចូលរួមវគ្គបណ្តុះបណ្តាល តាមមុខងារក្នុងប្រព័ន្ធជាមួយនឹងគ្រូឧទ្ទេសដែលមានបទពិសោធន៍លើការប្រើប្រាស់ប្រព័ន្ធ ។