យុទ្ធសាស្ត្ររបស់ក្រសួងសេដ្ឋកិច្ចនិងហិរញ្ញវត្ថុ បានដាក់ចេញការអនុវត្តជាពីរដំណាក់កាល ដែលការអនុវត្តក្នុងដំណាក់កាលទី១របស់ប្រព័ន្ធ FMIS ផ្តោតសំខាន់តែលើមុខងាររតនាគារ ដោយអនុញ្ញាតដល់ការធ្វើប្រតិបត្តិការថវិកា និងធានាចំណាយ ។ វិសាលភាពនឹងត្រូវពាក់ព័ន្ធជាមួយអគ្គនាយដ្ឋានគន្លឹះរបស់ក្រសួងសេដ្ឋកិច្ចនិងហិរញ្ញវត្ថុ (អគ្គនាយកដ្ឋានរតនាគារជាតិ ថវិកា រដ្ឋបាលហរិញ្ញវត្ថុថ្នាក់ក្រោមជាតិ សវនក្មផ្ទៃក្នុង និង អគ្គាធិការដ្ឋាន) និង រតនាគាររាជធានី-ខេត្តទាំង ២៥ ។ មុខងាររបស់ប្រព័ន្ធ FMIS ដែលនឹងត្រូវអនុវត្តក្នុងដំណាក់កាលនេះរួមមាន៖
មុខងារប្រព័ន្ធ FMIS ជាមួយនឹង នាយកដ្ឋានពាក់ព័ន្ធគន្លឹះ
សម្រាប់ដំណាក់កាលទី២នឹងរំពឹងថា តាមរយៈភាពជោគជ័យ និងអត្ថប្រយោជន៍ ដែល FMIS បានផ្តល់នាពេលអនាគត ប្រព័ន្ធ FMIS នឹងពង្រីកទៅជាប្រព័ន្ធការគ្រប់គ្រងហិរញ្ញវត្ថុសាធារណៈពេញលេញ។ គោលបំណងសម្រាប់អនាគតនឹងរួមបញ្ចូលការពង្រីកនូវវិសាលភាពមុខងារតាមរយៈមុខងារបន្ថែម ដូចជាផែនការថវិកា និងការរៀបចំថវិកា កិច្ចលទ្ធកម្ម (មុខងារបញ្ជាទិញទាំងមូល) ទ្រព្យសកម្ម និងសន្និធិ។ ទោះបីជាមុខងារទាំងនេះ មិនទាន់ត្រូវបានអនុវត្ត ឬ រៀបចំដំឡើងនៅក្នុងដំណាក់កាលទី១នេះ (គោលបំណងបច្ចុប្បន្ន) ក៏ដោយ ក៏មុខងារទាំងនេះ មានសារៈសំខាន់សម្រាប់គោលដៅទៅថ្ងៃអនាគតសម្រាប់ក្រសួងសេដ្ឋកិច្ចនិងហិរញ្ញវត្ថុ ដែលមុខងារទាំងអស់នឹងត្រូវដាក់ឲ្យអនុវត្តដូចដែលបានគ្រោងទុក។
ការអនុវត្តនាពេលអនាគតនឹងពង្រីកមុខងារនៃគម្រោង FMISឲ្យពេញលេញទៅកាន់គ្រប់ក្រសួងពាក់ព័ន្ធ និងគ្រប់នាយកដ្ឋាននៃក្រសួងសេដ្ឋកិច្ចនិងហិរញ្ញវត្ថុ និងឈានទៅគម្រោងផ្សេងៗរបស់រដ្ឋាភិបាល។
|
បញ្ជីពាក្យសរសេរកាត់ |
||
| BFD | Budget Formulation Department | នាយកដ្ឋានថវិកានីយកម្ម |
| GDSNAF | General Department Sub-National Administration Finance | អគ្គនាយកដ្ឋានហិរញ្ញវត្ថុរដ្ឋបាលថ្នាក់ក្រោមជាតិ |
| FAD | Financial Affairs Department | នាយកដ្ឋានហិរញ្ញកិច្ច |
| DI | Department of Investment | នាយកដ្ឋានវិនិយោគ |
| DCDM | Department of Cooperation and Debt Management | នាយកដ្ឋានសហប្រតិបត្តិការនិងគ្រប់គ្រងបំណុល |
| PPD | Public Procurement Department | នាយកដ្ឋានលទ្ធកម្មសាធារណៈ |
| GDNT | General Department of National Treasury | អគ្គនាយកដ្ឋានរតនាគារជាតិ |
| GDCE | General Department of Customs and Excise | អគ្គនាយកដ្ឋានគយនិងរដ្ឋាករ |
| GDT | General Department of Taxation | អគ្គនាយកដ្ឋានពន្ធដារ |
| NBC | National Bank of Cambodia | ធនាគារជាតិ |
| MPF | Ministry of Public Functions | ក្រសួងមុខងារសាធារណៈ |
| GDIA | General Department of Internal Audit | អគ្គនាយកដ្ឋានសវនកម្មផ្ទៃក្នុង |
| GID | General Inspectoriat Department | អគ្គាធិការដ្ឋាន |