10
Apr, 2014
ការជួបជាមួយថ្នាក់ដឹកនាំគាំទ្រគម្រោង FMIS
កាលពីថ្ងៃទី០១ ដល់ ៨ ខែ មេសា ឆ្នាំ២០១៤ កន្លងទៅនេះ ក្រុមការងារគ្រប់គ្រងការផ្លាស់ប្តូររបស់ក្រុមហ៊ុនផ្គត់ផ្គង់រួមជាមួយក្រុមការងារគ្រប់គ្រងការផ្លាស់ FMWG បានជួប និងសុំអនុសាន៍ជាមួយ ឯកឧត្តមរដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ ឯកឧត្តមអគ្គនាយក និង ប្រធាននាយកដ្ឋានគន្លឹះ នៃក្រសួងសេដ្ឋកិច្ចនិង ហិរញ្ញវត្ថុ ដែលជាថ្នាក់ដឹកនាំគាំទ្រចម្បងរបស់គម្រោង FMIS (FMIS Project’s Sponsors) ។ ការចុះជួបនេះ ក្នុងគោលបំណងពិភាក្សាស្វែងយល់ពីចក្ខុវិស័យ និង ការរំពឹងទុករបស់ថ្នាក់ដឹកនាំគាំទ្រចំពោះគម្រោង FMIS ដែលជាកត្តាសំខាន់សម្រាប់ការគាំទ្រដល់គម្រោងឱ្យឈានឆ្ពោះទៅមុខ និង ទទួលបានជោគជ័យ។ ក្រុមការងារបានទទួលនូវលទ្ធផលដ៏គួរឱ្យកត់សំគាល់ពីថ្នាក់ដឹកនាំគាំទ្រគម្រោងទាំងអស់ ជាពិសេសការគាំទ្រយ៉ាងពេញទំហឹងពីឯកឧត្តមរដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ ដោយបានបង្ហាញនូវការជឿជាក់លើភាពជោគជ័យនៃគម្រោង ដែលនេះគឺជាសក្ខីភាពនៃភាពជោគជ័យពិតប្រាដមួយ សម្រាប់ទទួលបាននូវភាពជោគជ័យជាបន្តបន្ទាប់នៅពេលអនាគតក្នុងការអនុវត្តគម្រោង FMIS ។
