សូមបញ្ជាក់ផងដែរថាមុខងារ e-Payment ត្រូវបានសម្ពោធដាក់ឱ្យប្រើប្រាស់កាលពីរសៀលថ្ងៃទី ១៥ ខែធ្នូ ឆ្នាំ ២០២០ ត្រូវនឹងថ្ងៃ ១ កើត ខែបុស្ស ឆ្នាំជូត ទោស័ក ព.ស. ២៥៦៤ ដែលមាន នាយកដ្ឋានបច្ចេកវិទ្យាព័ត៌មាននៃអគ្គលេខាធិការដ្ឋាននៃក្រសួងសេដ្ឋកិច្ចនិងហិរញ្ញវត្ថុ បានចូលរួមធ្វើការបង្ហាញស្តីអំពីការប្រើប្រាស់នូវមុខងារ e-Payment ដែលជាសមិទ្ធផលថ្មី នៃការសហការអភិវឌ្ឍរវាង អគ្គនាយកដ្ឋានទ្រព្យសម្បត្តិរដ្ឋនិងចំណូលមិនមែនសារពើពន្ធ អគ្គនាយកដ្ឋានរតនាគារជាតិ និង នាយកដ្ឋានបច្ចេកវិទ្យាព័ត៌មាន។ ដែលមុខងារនេះនឹងជួយសម្រួលដល់អ្នកបង់ចំណូល ធ្វើការបង់ឬទូទាត់សាច់ប្រាក់បានពីគ្រប់ទីកន្លែង និងគ្រប់ពេលវេលា តាមរយៈកម្មវិធីលើទូរសព្ទដៃ (Mobile App) របស់ក្រសួងសេដ្ឋកិច្ចនិងហិរញ្ញវត្ថុ និងជាពិសេសទៅទៀតនោះក៏អាចធ្វើការបង់តាមរយៈ Mobile App របស់ធនាគារ អេសុីលីដា និង កាណាឌីយ៉ា ផងដែរ។